امریکی صدر کا پاک بھارت جنگ بندی پر بیان
امریکی صدر ڈونلڈ ٹرمپ نے ایک بار پھر پاک بھارت جنگ بندی کا سہرا اپنے سر لیتے ہوئے کہا ہے کہ میں نے پاکستان اور بھارت کے درمیان جنگ بندی کرائی۔
ملاقات اور ٹرمپ کے بیانات
وائٹ ہاؤس میں جنوبی افریقا کے صدر رامافوسا سے ملاقات کے بعد صحافیوں سے گفتگو کرتے ہوئے امریکی صدر ٹرمپ نے پاکستان بھارت جنگ بندی معاہدے کی تعریف کی۔ ٹرمپ نے ایک مرتبہ پھر کہا کہ انہوں نے پاکستان اور بھارت کے درمیان جنگ بندی کرائی۔
پاکستان اور بھارت کے بارے میں ٹرمپ کا موقف
امریکی صدر نے کہا کہ پاکستان کے لوگ بہترین اور اس کے رہنما عظیم ہیں۔ بھارت میں مودی میرا دوست ہے۔ انہوں نے کہا کہ امریکا پاکستان اور بھارت کے ساتھ بڑے معاہدے کر رہا ہے۔
بھارت کی جنگ بندی میں امریکی کردار سے انکار
گزشتہ دنوں بھارتی سیکرٹری خارجہ وکرم مسری نے پاکستان اور بھارت کے درمیان جنگ بندی میں امریکی کوششوں کا سرے سے انکار کیا تھا۔
پیر کو بھارت کے سیکرٹری خارجہ وکرم مسری نے پارلیمانی کمیٹی کو بریفنگ دیتے ہوئے کہا کہ پاک بھارت فائربندی قطعی طور پر دوطرفہ تھی، امریکی صدر ٹرمپ کا جنگ بندی میں کوئی کردار نہیں تھا۔ انہوں نے کہا کہ ٹرمپ نے ہم سے بیچ میں آنے کی اجازت نہیں لی، بلکہ خود ہی اسٹیج پر آنا چاہتے تھے اور وہ آگئے۔
ٹرمپ کا سوشل میڈیا پر اعلان
واضح رہے کہ 10 مئی کو ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ پاکستان اور بھارت جنگ بندی پر متفق ہوگئے ہیں۔
مزید پڑھیں
