عالمی منڈی میں خام تیل کی قیمتوں میں بڑا اضافہ
منڈی میں خام تیل کی قیمتوں میں نمایاں اضافہ ریکارڈ کیا گیا ہے۔ جہاں قیمتیں تقریباً دس فیصد تک بڑھ گئی ہیں۔ اس تیزی نے عالمی توانائی مارکیٹ میں تشویش کی لہر دوڑا دی ہے۔ مختلف ممالک کے معاشی ماہرین صورتحال کا بغور جائزہ لے رہے ہیں۔ تازہ صورتحال کے مطابق برطانوی خام تیل کی قیمت بڑھ کر ایک سو ایک ڈالر فی بیرل سے بھی تجاوز کر گئی ہے۔ جو حالیہ عرصے کی ایک اہم بلند ترین سطح تصور کی جا رہی ہے۔
ماہرین کے مطابق اس اضافے کی وجوہات میں عالمی طلب میں اضافہ، سپلائی میں کمی، اور جغرافیائی کشیدگی شامل ہیں۔ اس کے علاوہ توانائی کے شعبے میں غیر یقینی صورتحال اور سرمایہ کاروں کے خدشات بھی قیمتوں میں اضافے کا سبب بن رہے ہیں۔ جس کے اثرات عالمی معیشت اور ایندھن کی قیمتوں پر بھی مرتب ہو سکتے ہیں۔
برطانوی اور امریکی خام تیل مہنگا
برطانوی خام تیل کی قیمت میں تقریباً نو ڈالر سے زائد اضافہ ہوا۔ جس کے بعد اس کی قیمت ایک سو ایک اعشاریہ تین ڈالر فی بیرل تک پہنچ گئی۔ اسی طرح امریکی خام تیل کی قیمت میں بھی نو ڈالر سے زائد اضافہ ہوا اور یہ چھانوے اعشاریہ ستائیس ڈالر فی بیرل تک جا پہنچی۔
کشیدگی کے باعث تیل کی فراہمی متاثر
عالمی توانائی ایجنسی کے مطابق امریکا، اسرائیل اور ایران کے درمیان بڑھتی ہوئی۔ کشیدگی کے باعث عالمی تیل کی منڈی میں سپلائی متاثر ہو رہی ہے۔ ماہرین کا کہنا ہے۔ کہ اس صورتحال سے عالمی توانائی منڈی میں غیر یقینی صورتحال پیدا ہو گئی ہے۔
اسٹریٹجک ذخائر جاری کرنے کا اعلان
تیل کی قیمتوں میں تیزی کے بعد عالمی توانائی ایجنسی نے چار سو ملین بیرل تیل اسٹریٹجک ذخائر سے جاری کرنے کا اعلان کیا۔ جس کا مقصد عالمی منڈی میں سپلائی کو بڑھانا اور قیمتوں پر دباؤ کم کرنا تھا۔
تاہم اس اہم اعلان کے باوجود عالمی منڈی میں خام تیل کی قیمتوں میں خاطر خواہ کمی دیکھنے میں نہیں آئی اور قیمتیں بلند سطح پر برقرار رہیں۔ ماہرین کے مطابق اس کی بنیادی وجوہات میں بڑھتی ہوئی۔ عالمی طلب، جغرافیائی کشیدگی، اور سپلائی چین میں رکاوٹیں شامل ہیں۔ جنہوں نے منڈی کو غیر یقینی صورتحال سے دوچار رکھا ہوا ہے۔
مزید برآں سرمایہ کاروں کے خدشات اور مستقبل میں ممکنہ قلت کے امکانات نے بھی قیمتوں کو نیچے آنے سے روکے رکھا۔ جس کے باعث مارکیٹ میں استحکام کے بجائے اتار چڑھاؤ کا رجحان برقرار ہے۔
مزید پڑھیں
فجیرا سے پاک نیوی کی سکیورٹی میں 2 جہاز 10 سے 12 کروڑ لیٹر تیل لے کر کراچی پہنچ گئے
