کراچی میں پانی کا شدید بحران
کراچی کے مختلف علاقوں میں پانی کا بدترین بحران پیدا ہو گیا ہے۔ مرمتی کام کے باعث شہر کا بڑا حصہ کئی دنوں سے پانی سے محروم ہے۔ شہری بوند بوند کو ترس گئے ہیں اور مہنگے داموں ٹینکروں کے ذریعے پانی خریدنے پر مجبور ہیں۔
مرمتی کام اور فراہمی میں کمی
ترجمان واٹر کارپوریشن کے مطابق گلشن اقبال میں 84 انچ قطر کی مرکزی لائن کا مرمتی کام مکمل کر لیا گیا ہے اور بدھ، جمعرات سے پانی کی فراہمی مکمل طور پر شروع کر دی جائے گی۔ اس لائن میں رساؤ کے باعث دھابیجی پمپنگ اسٹیشن سے تقریباً 200 ملین گیلن یومیہ پانی کم فراہم کیا جا رہا تھا۔
متاثرہ علاقے
مرمتی کام کے باعث کورنگی، لانڈھی، شاہ فیصل کالونی، گلشن اقبال، گلستانِ جوہر، لیاقت آباد، ناظم آباد، پی آئی بی کالونی، صدر، اولڈ سٹی ایریا، محمود آباد، ڈیفنس اور دیگر علاقوں میں کئی دن سے پانی بند ہے۔ اس صورتحال نے شہری زندگی کو شدید متاثر کیا ہے۔
شہریوں کی مشکلات
پانی کی عدم فراہمی کے باعث گھروں، دفاتر اور مساجد میں بھی مشکلات پیدا ہو گئی ہیں۔ حتیٰ کہ وضو کے لیے بھی پانی میسر نہیں۔ شہریوں کا کہنا ہے۔ کہ لائنوں کے بار بار پھٹنے اور بجلی کے بریک ڈاؤن کے باعث پانی کا بحران معمول بن چکا ہے۔
واٹر کارپوریشن کا مؤقف
واٹر کارپوریشن کے مطابق مرمتی کام مکمل ہونے کے بعد لائنوں کی چارجنگ شروع کر دی گئی ہے۔ دھابیجی پمپنگ اسٹیشن سے شہر میں پانی کی فراہمی بحال ہو رہی ہے۔ تاہم شہریوں کو اب بھی مکمل بحالی کا انتظار ہے۔
مزید پڑھیں
پی ایس ایل گیارہ: نیلامی میں فروخت ہونے والے دس مہنگے ترین کھلاڑی
