پی ایس ایل گیارہ کی نیلامی لاہور میں
پاکستان سپر لیگ کے گیارہویں ایڈیشن کے لیے کھلاڑیوں کی نیلامی لاہور میں منعقد ہوئی۔ جہاں مختلف فرنچائزز نے اپنے اسکواڈ مضبوط بنانے کے لیے بڑے ناموں پر بھاری رقم خرچ کی۔ اس نیلامی میں کئی قومی اور غیر ملکی کھلاڑی مہنگے داموں فروخت ہوئے۔
نسیم شاہ سب سے مہنگے کھلاڑی
نیلامی میں نئی ٹیم راولپنڈی نے فاسٹ بولر نسیم شاہ کو 8 کروڑ 65 لاکھ روپے میں خرید کر ایونٹ کا مہنگا ترین کھلاڑی بنا دیا۔ دوسرے نمبر پر آل راؤنڈر فہیم اشرف رہے جنہیں اسلام آباد یونائیٹڈ نے ساڑھے 8 کروڑ روپے میں حاصل کیا۔
غیر ملکی اسٹارز کی بڑی بولیاں
مہنگے ترین کھلاڑیوں میں نیوزی لینڈ کے ڈیرل مچل بھی شامل رہے جنہیں راولپنڈی نے 8 کروڑ 5 لاکھ روپے میں خریدا۔ کراچی کنگز نے آسٹریلوی اسٹار ڈیوڈ وارنر کو 7 کروڑ 90 لاکھ روپے میں اپنی ٹیم میں شامل کیا۔ جبکہ اسلام آباد نے مارک چیپ مین کو 7 کروڑ روپے میں خریدا۔
پاکستانی کھلاڑیوں پر بھی اعتماد
لاہور قلندرز نے فخر زمان کو 7 کروڑ 95 لاکھ۔ حارث رؤف کو 7 کروڑ 60 لاکھ روپے میں دوبارہ حاصل کیا۔ کوئٹہ گلیڈی ایٹرز نے خواجہ نافع کو ساڑھے 6 کروڑ میں خریدا جبکہ کراچی کنگز نے سلمان علی آغا کو 5 کروڑ 85 لاکھ میں اپنی ٹیم کا حصہ بنایا۔
دیگر نمایاں خریداری
سیالکوٹ اسٹالینز نے صاحبزادہ فرحان کو 5 کروڑ 70 لاکھ میں حاصل کیا۔ جبکہ لاہور قلندرز نے اُسامہ میر کو ساڑھے 3 کروڑ روپے میں خریدا۔ اس طرح پی ایس ایل 11 کی نیلامی میں کئی بڑے سودے دیکھنے کو ملے اور فرنچائزز نے مضبوط اسکواڈ بنانے کی بنیاد رکھ دی۔
مزید پڑھیں
وزیراعظم کا مسجد خدیجۃ الکبریٰ کے شہدا کے ورثا کو فی کس 50 لاکھ امداد کا اعلان
