رمضان میں ریاض الجنہ کی زیارت کا نیا شیڈول
مدینہ منورہ میں رمضان المبارک کے دوران زائرین کی سہولت کے لیے ریاض الجنہ کی زیارت کا نیا شیڈول جاری کر دیا گیا ہے۔ انتظامیہ کی جانب سے مرد و خواتین کے لیے الگ الگ اوقات مقرر کیے گئے ہیں۔ تاکہ رش کو منظم رکھا جا سکے اور عبادت کا ماحول برقرار رہے۔
پہلے دو عشروں کا شیڈول
رمضان کے پہلے اور دوسرے عشرے میں مردوں کے لیے زیارت کے دو اوقات مقرر کیے گئے ہیں۔ پہلا وقت صبح 11:20 سے رات 8 بجے تک جبکہ دوسرا وقت رات 2 بجے سے صبح 5 بجے تک رکھا گیا ہے۔ خواتین کے لیے پہلے دو عشروں میں رات 11 بجے سے 1:40 تک اور صبح 6 بجے سے 11 بجے تک زیارت کی اجازت ہوگی۔ اس شیڈول کا مقصد زائرین کو بہتر سہولت فراہم کرنا ہے۔
تیسرے عشرے میں اوقات میں اضافہ
رمضان کے تیسرے عشرے میں مردوں کے لیے زیارت کے تین اوقات مقرر کیے گئے ہیں۔ پہلا وقت صبح 11:20 سے رات 8 بجے تک، دوسرا وقت رات 11 بجے سے 12 بجے تک جبکہ تیسرا وقت صبح 2 بجے سے 5 بجے تک ہوگا۔ خواتین کے لیے تیسرے عشرے میں صبح 6 بجے سے 11 بجے تک کا وقت مختص کیا گیا ہے۔ تیسرے عشرے میں عبادات میں اضافے کے باعث شیڈول میں تبدیلی کی گئی ہے۔ تاکہ زیادہ سے زیادہ افراد کو موقع مل سکے۔
زائرین کے لیے ہدایات
انتظامیہ نے زائرین سے اپیل کی ہے۔ کہ مقررہ اوقات کی پابندی کریں اور نظم و ضبط کا خاص خیال رکھیں۔ رمضان المبارک میں زائرین کی تعداد میں نمایاں اضافہ ہوتا ہے۔ اس لیے شیڈول پر عمل کرنا ضروری ہے۔
مزید پڑھیں
رمضان میں جعلی دودھ مافیا بے نقاب، 13 ہزار لیٹر ملاوٹی دودھ تلف
