حکومتی پیشکش پر پی ٹی آئی کا اہم فیصلہ
پاکستان تحریک انصاف نے حکومت کی جانب سے دی جانے والی پیشکش کو قبول کر کے سیاسی حلقوں کو حیران کر دیا ہے۔ ذرائع کے مطابق وفاقی وزیر رانا ثناءاللہ کی تجویز پر ایک خصوصی کمیٹی تشکیل دینے کا فیصلہ کیا گیا ہے جو جیل میں بانی چیئرمین کی سہولیات کا جائزہ لے گی۔
خصوصی کمیٹی کی تشکیل کا فیصلہ
مشترکہ پارلیمانی پارٹی اجلاس میں اکثریتی اراکین نے اس فیصلے کی حمایت کی۔ پی ٹی آئی کی جانب سے ہدایت جاری کی گئی ہے کہ کمیٹی میں پارٹی کے وکلا، سینیٹرز اور قومی اسمبلی کے اراکین کو شامل کیا جائے۔
جیل میں سہولیات کا جائزہ
ذرائع کے مطابق یہ کمیٹی جیل جا کر براہِ راست سہولیات کا معائنہ کرے گی۔ پی ٹی آئی کا کہنا ہے کہ بانی چیئرمین کو جیل میں فراہم کی جانے والی سہولیات کو شفاف طریقے سے دکھایا جانا ضروری ہے۔
کمیٹی کی سربراہی
فیصلہ کیا گیا ہے کہ اس خصوصی کمیٹی کی سربراہی رانا ثناءاللہ کریں گے جبکہ پی ٹی آئی کے نمائندے ٹیم کا حصہ ہوں گے تاکہ حقائق کا عملی طور پر جائزہ لیا جا سکے۔
مزید پڑھیں
مذاکرات سے انکار نہیں،اداروں اور پی ٹی آئی میں دراڑ کی کوششیں، بیرسٹر گوہر
