وزارتِ خزانہ کا نیا سالانہ قرضہ منصوبہ
وزارتِ خزانہ نے مالی سال 26-2025 کے لیے نیا مقامی قرضہ لینے کا سالانہ منصوبہ تیار کر لیا ہے۔ ذرائع کے مطابق حکومت رواں مالی سال میں 22 ہزار ارب روپے سے زائد کا نیا قرضہ لے گی، جو پرانے قرضوں کی ادائیگی اور بجٹ خسارے کی فنانسنگ کے لیے استعمال ہوگا۔
پرانے قرضوں کی ادائیگی اور نیا مقامی قرضہ
اس منصوبے کے تحت حکومت نے 15 ہزار 628 ارب روپے کے پرانے قرضے اتارنے کا ہدف مقرر کیا ہے۔ پرانے قرضے ادا کرنے کے بعد نیا خالص مقامی قرضہ 6 ہزار 395 ارب روپے ہوگا۔
مختلف مالی ذرائع سے قرض حاصل کرنے کی حکمت عملی
ٹریژری بلز کی مد میں 8 ہزار 731 ارب روپے حاصل کرنے کا تخمینہ لگایا گیا ہے۔ جبکہ پاکستان انویسٹمنٹ بانڈز کے ذریعے 8 ہزار 595 ارب روپے قرض لینے کا منصوبہ بنایا گیا ہے۔
اجارہ سکوک اور نیشنل سیونگ اسکیمز سے فنڈز
گورنمنٹ اجارہ سکوک کے تحت 3 ہزار 312 ارب روپے اکٹھے کیے جائیں گے۔ جبکہ نیشنل سیونگ اسکیمز سے ایک ہزار 385 ارب روپے حاصل کرنے کا ہدف مقرر کیا گیا ہے۔
بجٹ خسارہ پورا کرنے کی تیاری
بجٹ خسارہ پورا کرنے کے لیے حکومت نے مقامی ذرائع سے بڑے پیمانے پر فنانسنگ کی تیاری مکمل کر لی ہے۔ اس اقدام کا مقصد مالی استحکام اور جاری منصوبوں کے تسلسل کو برقرار رکھنا ہے۔
مزید پڑھیں
کینسر کی ابتدائی تشخیص کے لیے جدید ڈی این اے ٹیسٹ تیار
