ایم ایم عالم کی 13ویں برسی
پاک فضائیہ کے عظیم ہیرو ایم ایم عالم کی 13ویں برسی آج عقیدت و احترام کے ساتھ منائی جا رہی ہے۔ قوم اپنے اس جری سپوت کو خراجِ عقیدت پیش کر رہی ہے جنہوں نے 1965 کی جنگ میں تاریخ رقم کی۔
جنگ 1965 کا ناقابلِ فراموش کارنامہ
پاک بھارت جنگ 1965 کے دوران سرگودھا کے محاذ پر ایم ایم عالم نے دشمن کے 5 بھارتی ہنٹر طیارے ایک منٹ سے بھی کم وقت میں مار گرائے، جن میں سے 4 طیارے صرف 30 سیکنڈ میں تباہ کیے گئے۔
عالمی ریکارڈ
یہ کارنامہ آج بھی جنگی ہوابازی کی تاریخ میں ایک منفرد عالمی ریکارڈ کے طور پر تسلیم کیا جاتا ہے۔ اس تاریخی مشن کے دوران وہ ایف-۸۶ سیبر طیارہ اڑا رہے تھے۔
مجموعی کارکردگی
جنگ کے دوران انہوں نے مجموعی طور پر 11 دشمن طیاروں کو نشانہ بنایا، جن میں سے 9 مکمل تباہ جبکہ 2 کو جزوی نقصان پہنچا۔ ان کی اس شاندار کارکردگی کے اعتراف میں ان کے طیارے پر 11 بھارتی پرچم نمایاں کیے گئے تھے۔
اعزاز اور خدمات
ان کی جرات اور بہادری کے اعتراف میں حکومت پاکستان نے انہیں ستارۂ جرأت سے نوازا۔ ان کی کامیابی کے پیچھے پیشہ ورانہ مہارت کے ساتھ ساتھ وطن سے بے پناہ محبت کارفرما تھی۔
وفات اور یادگار
ایم ایم عالم 18 مارچ 2013 کو انتقال کر گئے تھے اور انہیں پی اے ایف بیس مسرور کے شہداء قبرستان میں سپرد خاک کیا گیا۔ آج ان کی برسی کے موقع پر ملک بھر میں مختلف تقاریب منعقد ہو رہی ہیں جہاں انہیں ایک عظیم قومی ہیرو کے طور پر یاد کیا جا رہا ہے۔
مزید پڑھیں
سولر پاور کے فروغ نے پاکستان کو مشرقِ وسطیٰ جنگ کے اثرات سے بچا لیا
