ایم 5 موٹروے کے 5 مقامات متاثر
ملتان کی تحصیل جلال پور پیروالا کے قریب سیلاب سے ایم 5 موٹروے پانچ مقامات پر متاثر ہوئی ہے۔ ترجمان موٹر وے کے مطابق ملتان سے جھانگڑہ انٹرچینج تک ٹریفک کے لیے راستہ بند ہے اور پانی کا بہاؤ کم ہونے تک موٹروے بحال نہیں کی جا سکے گی۔
گیس پائپ لائن کو نقصان کا خدشہ
سیلاب سے ملتان میں 36 انچ قطر کی گیس پائپ لائن متاثر ہونے کا خطرہ ہے۔ ترجمان سوئی ناردرن کے مطابق متوازی پائپ لائنوں سے گیس کی سپلائی جاری ہے اور فی الحال کسی علاقے میں گیس فراہمی متاثر نہیں ہو رہی۔
مظفرگڑھ میں مشترکہ ریسکیو آپریشن
تحصیل علی پور میں فوج، نیوی اور ریسکیو اداروں کا مشترکہ آپریشن جاری ہے۔ ضلع مظفرگڑھ میں اب تک 9 ہلاکتوں کی تصدیق ہو چکی ہے جبکہ متعدد افراد لاپتا ہیں۔ حکام کو خدشہ ہے کہ پانی اترنے کے بعد اموات میں اضافہ ہوسکتا ہے۔
دریائے ستلج میں درمیانہ درجے کا سیلاب
ایمپریس برج پر پانی کی سطح میں کمی آئی ہے لیکن دریائے ستلج میں اب بھی درمیانے درجے کا سیلاب برقرار ہے، جس سے قریبی دیہات کو خطرہ لاحق ہے۔
مزید پڑھیں
افغانستان میں ٹی ٹی پی اور ’را‘ پر پاکستان کا طالبان حکومت کو انتباہ
