جاپان میں ایک چونکا دینے والے واقعے نے ملک بھر کو ہلا کر رکھ دیا ہے۔ جہاں ایک 75 سالہ خاتون کو اپنی بیٹی کی لاش کو 20 سال تک ڈیپ فریزر میں رکھنے کے الزام میں گرفتار کر لیا گیا۔ اس واقعے نے معاشرتی مسائل، ذہنی صحت اور خاندانوں میں چھپے ہوئے المیوں پر نئی بحث چھیڑ دی ہے۔
واقعہ کیسے سامنے آیا؟
یہ واقعہ اس وقت سامنے آیا جب پولیس نے جاپان کے شہر ٹوکیو کے شمال مشرقی علاقے ایباراکی میں کیکو موری نامی خاتون کے گھر پر چھاپہ مارا۔ تلاشی کے دوران گھر میں موجود ڈیپ فریزر سے ایک خاتون کی لاش برآمد ہوئی جو شدید گلنے سڑنے کی حالت میں تھی۔
خاتون کا اعتراف
پولیس کے مطابق کیکو موری نے اعتراف کیا۔ کہ لاش اس کی بیٹی ماکیکو کی ہے جس کی پیدائش 1975 میں ہوئی تھی۔ اگر وہ آج زندہ ہوتی تو اس کی عمر تقریباً 50 سال ہوتی۔ خاتون نے اظہار کیا۔ کہ وہ یہ راز دو دہائیوں تک اپنے دل میں لیے زندہ رہی۔
موت کی وجہ کی تحقیقات
لاش کے گلنے سڑنے کے باعث فوری طور پر موت کی وجہ معلوم نہیں ہو سکی۔ پولیس نے پوسٹ مارٹم کا حکم دے دیا ہے۔ تاکہ معلوم ہو سکے کہ ماکیکو کی موت قدرتی تھی۔ حادثاتی یا قتل کے نتیجے میں ہوئی۔
واقعے کی سماجی اور نفسیاتی جہت
جاپان میں اس واقعے نے شدید جذباتی ردعمل پیدا کیا ہے۔ ماہرین کا کہنا ہے۔ کہ یہ کیس اس بات کی نشاندہی کرتا ہے کہ بعض اوقات خاندانوں میں شدید ذہنی تنہائی، غم اور دباؤ لوگوں کو انتہائی غیر معمولی فیصلوں تک لے جا سکتا ہے۔
تحقیقات جاری
پولیس کی جانب سے اس کیس کی تفتیش جاری ہے اور مزید حقائق سامنے آنے کے بعد مقدمہ آگے بڑھایا جائے گا۔ حکام اس واقعے کو ایک سنگین سماجی المیہ قرار دے رہے ہیں۔ جو خاندان اور ذہنی صحت کے نظام پر سوال اٹھاتا ہے۔
مزید پڑھیں
