ہمیں چھیڑا تو تمہاری نسلیں تباہ کر دیں گے، گورنر سندھ کا بھارت کوسخت پیغام

کراچی

گورنر سندھ کامران خان ٹیسوری نے بھارت کو سخت الفاظ میں خبردار کرتے ہوئے کہا ہے۔ کہ اگر پاکستان کو چھیڑا گیا۔ تو اس کے نتائج نہایت سنگین ہوں گے۔ انہوں نے واضح کیا۔ کہ کسی بھی جارحیت کی صورت میں پاکستان بھرپور جواب دے گا اور دشمن کو اس کی قیمت چکانا پڑے گی۔

نریندر مودی پر سخت تنقید

اپنے بیان میں گورنر سندھ نے بھارتی وزیراعظم نریندر مودی کو انتہا پسند ہندو قرار دیتے ہوئے کہا۔ کہ اگر کسی بھی پاکستانی شہری کو بھارتی ایجنٹس نے دہشت گردی کا نشانہ بنایا تو پاکستان خاموش نہیں بیٹھے گا۔ ان کا کہنا تھا کہ ایسی کسی بھی کارروائی کا منہ توڑ جواب دیا جائے گا۔

بلوچستان اور قومی سلامتی کا معاملہ

کامران خان ٹیسوری نے کہا۔ کہ اگر بلوچستان میں کسی بھی پاکستانی بھائی، بہن یا بچے کا خون بہایا گیا۔ تو اس کا سخت بدلہ لیا جائے گا۔ انہوں نے زور دے کر کہا۔ کہ پاکستان اپنی سرزمین اور عوام کے تحفظ کے لیے ہر حد تک جائے گا۔

افواجِ پاکستان کے ساتھ یکجہتی کا اعلان

گورنر سندھ کا کہنا تھا۔ کہ اب افواجِ پاکستان کے شانہ بشانہ کھڑے ہو کر کراچی کے غیور جوان دشمن کو کسی صورت معاف نہیں کریں گے۔ انہوں نے اس عزم کا اظہار کیا کہ پوری قوم اپنی افواج کے ساتھ مل کر ملک کے دفاع کے لیے متحد ہے۔

مزید پڑھیں
پنجاب میں 4 روزہ چھٹیاں منظور، وزیراعلیٰ کا عوام کے لیے خصوصی پیغام