بیس جون سے نئے نرخ نافذ ہونے کا امکان
عالمی منڈی میں خام تیل کی قیمتوں میں نمایاں کمی کے بعد پاکستان میں پیٹرولیم مصنوعات کی قیمتوں میں بڑی کمی کا امکان ظاہر کیا جا رہا ہے۔ ذرائع کے مطابق بیس جون سے پیٹرول اور ڈیزل کی قیمتوں میں نمایاں ریلیف مل سکتا ہے۔
پیٹرول اور ڈیزل کی قیمتوں میں بڑی کمی متوقع
رپورٹس کے مطابق وفاقی حکومت پیٹرولیم مصنوعات کی قیمتوں میں 55 روپے فی لیٹر تک کمی پر غور کر رہی ہے۔ ذرائع کا کہنا ہے کہ وزارتِ خزانہ پیٹرول کی قیمت میں بیس روپے جبکہ ڈیزل کی قیمت میں 36 روپے فی لیٹر کمی کی تجویز کا جائزہ لے رہی ہے۔
عالمی منڈی میں خام تیل سستا
بین الاقوامی مارکیٹ میں خام تیل کی قیمتوں میں مسلسل کمی دیکھی جا رہی ہے۔ ماہرین کے مطابق مشرقِ وسطیٰ میں کشیدگی کم ہونے اور عالمی سپلائی بہتر ہونے کے باعث تیل کی قیمتوں میں دباؤ کم ہوا ہے۔
عوام کو بڑا ریلیف ملنے کا امکان
اگر مجوزہ کمی کی منظوری دی جاتی ہے تو بیس جون سے ملک بھر میں صارفین کو پیٹرول پمپوں پر نمایاں ریلیف مل سکتا ہے۔ اس اقدام سے ٹرانسپورٹ کے اخراجات کم ہونے کے ساتھ مہنگائی میں بھی کمی آنے کی توقع کی جا رہی ہے۔
امریکا ایران مفاہمت کے بعد تیل مارکیٹ پر اثرات
امریکا اور ایران کے درمیان مفاہمتی یادداشت پر دستخط کے بعد عالمی منڈی میں خام تیل کی قیمتوں میں کمی کا رجحان مزید مضبوط ہوا ہے۔ تجزیہ کاروں کے مطابق خطے میں استحکام عالمی توانائی مارکیٹ کے لیے مثبت اشارہ ثابت ہو سکتا ہے۔
مزید پڑھیں
قائمہ کمیٹی کی منظوری، غیر رجسٹرڈ کاروبار اور سوشل میڈیا آمدن پر 5 فیصد ٹیکس عائد
