اے آئی تعاون مضبوط کرنے پر متفق
پاکستان اور چین نے صحت، زراعت اور معدنیات کے شعبہ جات میں مصنوعی ذہانتاے آئی پر مبنی شراکت داری کو مزید مضبوط کرنے پر اتفاق کیا ہے۔ یہ تعاون تحقیق، جدت اور اقتصادی ترقی کے نئے مواقع فراہم کرے گا۔
صحت کے شعبے میں اے آئی تعاون
دونوں ممالک نے میڈیکل اے آئی میں تعاون بڑھانے پر زور دیا۔ تاکہ جدید ٹیکنالوجیز کے ذریعے صحت کے مسائل کے حل میں مدد مل سکے۔ اس شراکت داری سے مریضوں کی دیکھ بھال اور طبی تحقیق میں بہتری متوقع ہے۔
زراعت میں اے آئی کا استعمال
پاکستان اور چین نے اسمارٹ اور ڈیجیٹل زراعت کے لیے مشترکہ مصنوعی ذہانت (اے آئی) لیبارٹری کے قیام پر بھی بات کی۔ زرعی پیداوار میں اضافہ، سپلائی چین کی بہتری اور غذائی تحفظ کو مضبوط بنانا۔ حالیہ کانفرنس میں تقریباً اسی مفاہمتی یادداشتوں پر دستخط ہوئے اور چار اعشاریہ پانچ ارب ڈالر کے معاہدے طے پائے۔
معدنیات اور بایوٹیکنالوجی میں تعاون
چین کی جدید کان کنی تکنیکی مہارت اور پاکستان کے معدنی وسائل کا امتزاج دونوں ممالک کے لیے شاندار مواقع پیدا کرتا ہے۔ یہ تعاون نہ صرف معدنی شعبے میں سرمایہ کاری کو فروغ دے رہا ہے۔ بلکہ مقامی صنعتوں اور معیشت کے لیے بھی فائدہ مند ثابت ہو رہا ہے۔
اسپیشل انویسٹمنٹ فسیلیٹیشن کونسل پاکستان میں زراعت، صحت اور معدنیات کے شعبہ جات میں باہمی شراکت داری کو فروغ دینے میں کلیدی کردار ادا کر رہی ہے۔ اس کے ذریعے دونوں ممالک کے درمیان تجارتی تعلقات مضبوط ہو رہے ہیں۔ اور سرمایہ کاری کے نئے مواقع پیدا ہو رہے ہیں۔ جو مجموعی طور پر ملکی ترقی اور اقتصادی استحکام میں مددگار ہیں۔
مزید پڑھیں
سولر پاور کے فروغ نے پاکستان کو مشرقِ وسطیٰ جنگ کے اثرات سے بچا لیا










