دنیا کی گھڑی آدھی رات کے قریب
غیر منافع بخش ادارے ایٹامک سائنٹسٹس کا بلیٹن نے سال ٢٠٢٦ کے لیے ڈومز ڈے کلاک کا نیا وقت جاری کر دیا ہے۔ ادارے کے سائنس اینڈ سیکیورٹی بورڈ کے مطابق دنیا اب آدھی رات سے صرف ٨٥ سیکنڈ کے فاصلے پر ہے۔ یہ گھڑی عالمی تباہی کے خطرات کو ظاہر کرتی ہے، اور آدھی رات کا وقت دنیا کے انجام کی علامت سمجھا جاتا ہے۔ موجودہ وقت نے عالمی خدشات میں شدت پیدا کر دی ہے۔
ایٹمی خطرات اور ہتھیاروں کی دوڑ
سائنس اینڈ سیکیورٹی بورڈ کے ایک رکن نے کہا ہے۔ کہ دنیا میں خطرناک ہتھیاروں کی دوڑ جاری ہے، اور روس اور امریکا کے درمیان اسلحہ سازی کے متعلق معاہدے کے ختم ہونے کا خدشہ موجود ہے۔ اس سے بڑے پیمانے پر ہتھیار ذخیرہ کرنے کا امکان بڑھ سکتا ہے، جو عالمی سلامتی کے لیے شدید خطرہ ہے۔
ٹرمپ کا گولڈن ڈوم منصوبہ اور خلائی جنگ کے خدشات
ادارے نے خبردار کیا۔ کہ ٹرمپ کا ‘گولڈن ڈوم’ منصوبہ، جس میں خلا میں ہتھیار رکھنے کی بات کی جا رہی ہے۔ روس اور چین کے ردعمل کو جنم دے سکتا ہے۔ سائنس اینڈ سیکیورٹی بورڈ کا کہنا ہے۔ کہ یہ منصوبہ خلائی جنگ کے خطرات کو بڑھا سکتا ہے۔ ٹرمپ نے حالیہ ہفتوں میں بارہا اس منصوبے کا ذکر کیا اور دعویٰ کیا ہے۔ کہ گرین لینڈ پر ان کا کنٹرول اس منصوبے کے لیے کلیدی حیثیت رکھتا ہے۔
عالمی تشویش
ڈومز ڈے کلاک کے نئے وقت نے دنیا کے ایٹمی خطرات، عالمی تناؤ اور خلائی ہتھیاروں کے بڑھتے ہوئے خطرے کو اجاگر کر دیا ہے۔ عالمی کمیونٹی اور سیکیورٹی اداروں کے لیے یہ خبردار کرنے کا اہم موقع ہے۔ کہ انسانیت ابھی تباہی سے چند لمحے دور ہے۔
مزید پڑھیں
بھارت سے خطرہ، نپاہ وائرس کے پیشِ نظر سندھ میں ہدایات جاری
