سیلاب متاثرین کیلئے یورپی یونین کی امداد
پاکستان میں حالیہ مون سون اور سیلابی صورتحال کے باعث شدید متاثرہ کمیونٹیز کی مدد کیلئے یورپی یونین نے اضافی تعاون کا اعلان کردیا ہے۔ نئی امداد سے پنجاب کے تباہ شدہ علاقوں میں ہنگامی ضروریات پوری کرنے میں مدد ملے گی۔
یورپی یونین کا نیا امدادی پیکج
یورپی یونین نے سیلاب متاثرین کیلئے 30 لاکھ یورو کی اضافی ایمرجنسی امداد دینے کا اعلان کیا ہے۔ یہ امداد اُن علاقوں پر خرچ ہوگی جہاں حالیہ بارشوں اور سیلاب نے سب سے زیادہ تباہی مچائی۔
امداد کس شکل میں دی جائے گی؟
یورپی یونین کے مطابق یہ ہنگامی امداد نقد معاونت کی صورت میں فراہم کی جائے گی۔ تاکہ متاثرہ خاندان اپنی فوری ضروریات جیسے خوراک، بنیادی اشیاء، رہائش اور ادویات خود خرید سکیں۔
اس سے پہلے فراہم کی گئی امداد
اس سے قبل ستمبر میں 10 لاکھ 50 ہزار یورو فراہم کیے گئے تھے۔ جو صحت، صاف پانی، صفائی ستھرائی اور دیگر بنیادی خدمات کیلئے استعمال ہوئے۔
مون سون نے کتنی تباہی مچائی؟
رواں سال کی مون سون بارشوں نے ملک بھر میں بڑے پیمانے پر تباہی پھیلائی70 لاکھ سے زائد افراد متاثر ہوئے29 لاکھ سے زیادہ افراد بے گھر ہوئے ہزار سے زائد اموات دولاکھ سے زیادہ گھر تباہ بڑی مقدار میں زرعی زمین اور فصلیں برباد ہوئیں، خاص طور پر چاول اور گنے کی کاشت شدید متاثر ہوئی۔
پنجاب سب سے زیادہ متاثر
یورپی یونین حکام کے مطابق پنجاب نے اس سال 40 سال کی بدترین سیلابی صورتحال دیکھی۔ سیلابی ریلوں نے گھروں، فصلوں، مویشیوں اور روزگار کے ذرائع کو شدید نقصان پہنچایا۔
عالمی یکجہتی کا اظہار
یورپی یونین حکام کا کہنا ہے۔ کہ یہ امداد ہماری عالمی یکجہتی کا ثبوت ہے۔ ان کے مطابق یہ فنڈز اُن متاثرہ خاندانوں کیلئے نہایت اہم ثابت ہوں گے جن کے پاس اپنی زندگی دوبارہ شروع کرنے کیلئے وسائل نہ ہونے کے برابر رہ گئے ہیں۔
مجموعی امداد کتنی ہوئی؟
تازہ امداد کے بعد یورپی یونین کی مجموعی امداد ایک کروڑ 45 لاکھ یورو سے تجاوز کر چکی ہے۔ جو پاکستان کیلئے ایک بڑی انسانی معاونت ہے۔
مزید پڑھیں
سہیل آفریدی نے حکومت کو چیلنج دے دیا: گورنر راج لگا کر دیکھیں
