امریکا شدید سردی کی لپیٹ میں، پروازیں معطل، حادثات میں اضافہ

تیسرا برفانی طوفان

امریکا میں صرف ایک ہفتے کے دوران موسمِ سرما کا تیسرا بڑا طوفان آیا ہے جس نے کئی ریاستوں میں معمولاتِ زندگی کو بری طرح متاثر کردیا ہے۔ شدید سرد ہواؤں، بارش اور برف باری کے باعث پنسلوانیا، اِلی نوائے، مشی گن اور الاسکا سمیت متعدد علاقے شدید مشکلات کا شکار ہیں۔

ریاستوں میں نظام زندگی درہم برہم

کئی شہروں میں کئی انچ برف پڑنے سے شہری گھروں میں محصور ہو گئے ہیں۔ نیویارک میں 3.5 انچ تک برف ریکارڈ کی جاچکی ہے جبکہ ہوائی اڈوں پر کھڑے طیارے برف سے ڈھک گئے ہیں، جس کے باعث فلائٹ آپریشن بھی شدید متاثر ہوا ہے۔

شاہراہوں پر بڑے حادثات

برفانی پھسلن کے باعث ریاست انڈیانا میں ایک بڑے حادثے میں 40 سے زائد گاڑیاں آپس میں ٹکرا گئیں۔ حکام نے شہریوں کو ہدایت کی ہے کہ غیر ضروری سفر سے گریز کریں اور ممکنہ خطرات سے بچنے کے لیے احتیاط کریں۔

مزید برف باری کی پیشگوئی

امریکی محکمہ موسمیات کے مطابق آنے والے دنوں میں مزید بارش اور برف باری کا امکان ہے، جس سے صورتحال مزید خراب ہوسکتی ہے۔

برطانیہ بھی شدید سردی کی زد میں

اسی دوران برطانیہ میں بھی آئندہ ہفتے برف باری کی وارننگ جاری کردی گئی ہے۔ 9 اور 10 دسمبر کو انگلینڈ اور اسکاٹ لینڈ میں درجہ حرارت منفی 2 ڈگری تک گرنے اور شدید برف باری کی پیشگوئی کی گئی ہے۔

مزید پڑھیں
طلال چوہدری کا دعویٰ: عمران خان کی صحت پر پی ٹی آئی کا مؤقف جھوٹا نکلا