جامن: موسم گرما کا صحت بخش پھل
جامن موسمِ گرما کے ذائقہ دار اور مفید پھلوں میں سے ایک ہے جو انسانی صحت کے لیے کئی طرح کے فائدے رکھتا ہے۔ ماہرین جامن کو صحت کا خزانہ کہتے ہیں اور اسے مختلف طبی مسائل کے لیے تجویز کرتے ہیں۔
جامن کے صحت کے اہم فوائد
جامن میں جیمبولین نامی مرکبات ہوتے ہیں جو خون میں شوگر کی سطح کو قابو میں رکھنے میں مدد دیتے ہیں، اس لیے یہ ذیابیطس کے مریضوں کے لیے مفید پھل ہے۔
ہاضمے کی بہتری
فائبر اور اینٹی آکسیڈنٹس سے بھرپور جامن ہاضمے کو بہتر بناتی ہے، قبض سے بچاتی ہے اور معدے کی صفائی قدرتی طور پر کرتی ہے۔
خون کی گردش اور جلد کی خوبصورتی
جامن میں موجود وٹامن سی اور آئرن خون کی گردش کو بہتر بناتے ہیں اور جلد کو صحت مند چمک دیتے ہیں۔
مسوڑھوں اور منہ کی بیماریوں سے بچاؤ
جامن کے پتوں اور گٹھلیوں میں اینٹی بیکٹیریل خصوصیات ہوتی ہیں جو مسوڑھوں کے انفیکشنز، منہ کی بدبو اور السر سے لڑنے میں مدد کرتی ہیں۔
وزن کنٹرول
کم کیلوریز اور زیادہ فائبر کی وجہ سے جامن وزن کو قابو میں رکھنے میں بھی معاون ہے۔
مدافعتی نظام کی مضبوطی
وٹامن سی اور اینٹی آکسیڈنٹس سے مالا مال جامن جسم کی قوت مدافعت کو بڑھاتی ہے اور موسمی انفیکشنز سے لڑنے میں مدد دیتی ہے۔
دل کی صحت
جامن میں موجود پوٹاشیئم اور اینٹی آکسیڈنٹس بلڈ پریشر کو کنٹرول کرتے ہیں اور قلبی بیماریوں کے خطرات کو کم کرتے ہیں۔
جگر کی صفائی اور استحالہ کی بہتری
جامن ایک قدرتی ڈیٹاکسیفائر ہے جو جگر سے زہریلے مواد کو خارج کرتی ہے اور نظام ہضم کو بہتر بناتی ہے۔
آنکھوں کی صحت
جامن میں وٹامن اے پایا جاتا ہے جو نظر کو بہتر بناتا ہے اور عمر رسیدگی کے ساتھ نظر کی کمزوری کے خطرے کو کم کرتا ہے۔
گرمی میں جسم کو ٹھنڈک پہنچانے والی خاصیت
گرمیوں میں جامن جسم کے درجہ حرارت کو قابو میں رکھنے میں مدد دیتا ہے۔
مزید پڑھیں
