وزیراعظم کی دعوت پر اہم دورہ
وزیراعظم شہباز شریف کی دعوت پر متحدہ عرب امارات کے صدر شیخ محمد بن زاید النہیان آج پاکستان کے سرکاری دورے پر پہنچیں گے۔ ان کے استقبال کے لیے خصوصی انتظامات کیے گئے ہیں اور یہ دورہ پاکستان اور یو اے ای کے تعلقات کے لیے نہایت اہم قرار دیا جا رہا ہے۔
اعلیٰ سطحی ملاقاتیں اور اہم ایجنڈا
معزز مہمان کی صدرِ پاکستان آصف علی زرداری، وزیراعظم شہباز شریف اور دیگر اعلیٰ حکومتی شخصیات سے اہم ملاقاتیں شیڈول ہیں۔ دفتر خارجہ کے مطابق اس دورے سے دونوں ممالک کے درمیان دوطرفہ تجارت، سرمایہ کاری، توانائی اور ترقی کے شعبوں میں تعاون مزید بڑھے گا۔
اسلام آباد میں عام تعطیل کا اعلان
یو اے ای صدر کے سرکاری دورے کے سلسلے میں اسلام آباد میں عام تعطیل کا اعلان کیا گیا ہے۔ پاکستان سیکرٹریٹ اور وفاقی ادارے بند رہیں گے۔ اسی طرح سینیٹ سیکرٹریٹ، قومی اسمبلی سیکرٹریٹ، اسلام آباد ہائیکورٹ اور ڈسٹرکٹ کورٹس بھی آج بند رہیں گی۔
ضروری ادارے اور سروسز کھلی رہیں گی
کابینہ ڈویژن کے نوٹیفکیشن کے مطابق اسلام آباد میں اسپتال، بینک، ضروری سرکاری محکمے، میٹرو پولیٹن کارپوریشن، سی ڈی اے دفاتر، اسلام آباد پولیس، آئیسکو اور سوئی ناردرن گیس کے دفاتر معمول کے مطابق کھلے رہیں گے تاکہ ضروری عوامی خدمات متاثر نہ ہوں۔
مزید پڑھیں
یومِ قائد پر زیارت ریزیڈنسی میں پروقار اور پرجوش تقریب کا انعقاد
