پہیہ جام احتجاج
لاہور سمیت پنجاب بھر میں ٹرانسپورٹرز نے آج پہیہ جام ہڑتال کا اعلان کر دیا ہے جس کے باعث عوام کو شدید سفری مشکلات کا سامنا کرنا پڑ رہا ہے۔
ٹریفک آرڈیننس پر مطالبہ
پاکستان ٹرانسپورٹ متحدہ ایکشن کمیٹی کے رہنماؤں نے لاہور میں پریس کانفرنس کرتے ہوئے پنجاب حکومت سے مطالبہ کیا ہے کہ ٹریفک آرڈیننس 2025 کو فوری طور پر واپس لیا جائے۔
بھاری جرمانوں پر تحفظات
رہنماؤں کا کہنا تھا کہ ٹریفک آرڈیننس 2025 منظور شدہ قانون نہیں اور اس کے ذریعے ٹرانسپورٹرز سے بھاری جرمانے وصول کیے جا رہے ہیں، جو سراسر ناانصافی ہے۔
ٹرانسپورٹ بند رکھنے کا اعلان
ٹرانسپورٹرز نے اعلان کیا ہے کہ جب تک آرڈیننس واپس نہیں لیا جاتا پبلک ٹرانسپورٹ، گڈز گاڑیاں، منی مزدا، لوڈر گاڑیاں اور رکشے نہیں چلیں گے۔ انٹرا سٹی، بین الاضلاعی اور بین الصوبائی ٹرانسپورٹ بھی مکمل بند رہے گی۔
مذاکرات ناکام
ٹرانسپورٹرز اور پنجاب حکومت کے درمیان مذاکرات کا پہلا دور ناکام ہوگیا۔ ٹرانسپورٹ ایسوسی ایشن کے مطابق مذاکرات کا اگلا دور آج دوپہر 2 بجے ہوگا۔
آئی جی پنجاب کا ردعمل
دوسری جانب آئی جی پنجاب عثمان انور نے کہا ہے کہ مہذب ممالک میں قانون کی حکمرانی کی حمایت کی جاتی ہے نہ کہ ہڑتالوں کی۔
بغیر لائسنس ڈرائیونگ پر وارننگ
آئی جی پنجاب کا کہنا تھا کہ بغیر لائسنس ڈرائیونگ کرنا موت اور حادثات کو دعوت دینے کے مترادف ہے اور اسکول کے بچوں کی زندگیوں سے متعلق کسی بھی قسم کی بلیک میلنگ قبول نہیں کی جائے گی۔
مزید پڑھیں
خان نہیں تو کچھ نہیں‘ نعرے پر وزیر اطلاعات کا طنزیہ تبصرہ
