عالمی سطح پر منعقد ہونے والا منفرد ایونٹ
ریاض کے علاقے ملحم میں سعودی فالکن کلب کے زیرِ اہتمام انٹرنیشنل فالکن اینڈ ہنٹنگ نمائش کا آغاز ہو گیا ہے۔ اس سال 45 ممالک سے 1300 سے زائد عقابوں کے مالکان، اسلحہ ساز کمپنیوں اور شکاری سازوسامان کے ماہرین شریک ہیں۔
پاکستانی عقاب نمائش کی خاص توجہ
نمائش میں خلیجی ممالک سمیت پاکستان سے بھی نایاب اور تربیت یافتہ عقاب پیش کیے گئے ہیں۔ ایک سعودی فالکن شوقین کے مطابق پاکستانی عقاب دیگر اقسام کے مقابلے میں زیادہ تیز، مضبوط اور کارآمد ہیں۔ اسی لیے انہیں سعودی عرب میں بہت پسند کیا جاتا ہے۔
عقابوں کی نیلامی اور جدید اسلحہ کی نمائش
نمائش میں عقابوں کی نیلامی جاری ہے۔ جہاں شوقین افراد ایک دوسرے سے بڑھ کر بولیاں لگا رہے ہیں۔ بعض عقابوں کی قیمت لاکھوں ریال تک جا پہنچی ہے۔ اس کے ساتھ ساتھ جدید اور آٹومیٹک گنز اور عالمی سطح پر تیار کردہ شکاری سامان بھی نمائش کا حصہ ہیں۔
پاکستانی کاریگروں کی ہنرمندی
وزیر آباد کے ماہر کاریگروں کی تیار کردہ تلواریں، چھریاں اور چاقو بھی نمائش میں شامل ہیں۔ ان کاریگروں کا کہنا ہے۔ کہ وہ کئی سالوں سے اس ایونٹ میں شریک ہو رہے ہیں اور سعودی عرب میں پاکستانی ہنر کی بڑی مانگ ہے۔ جو ملکی مصنوعات کے فروغ کا باعث بنتی ہے۔
ثقافتی اور سیاحتی اہمیت
فالکن اینڈ ہنٹنگ نمائش میں نایاب تصویری نمائش، قدیم گاڑیوں اور روایتی فنون کی جھلکیاں بھی شامل ہیں۔ یہ ایونٹ صرف شکاریوں کے لیے نہیں بلکہ ثقافتی، تجارتی اور سیاحتی اعتبار سے بھی ایک بڑی اہمیت رکھتا ہے۔
ایونٹ کی مدت اور اہمیت
یہ نمائش 11 اکتوبر تک جاری رہے گی۔ جس میں روزانہ ہزاروں افراد کی آمد متوقع ہے۔ اسے خطے میں ثقافتی ہم آہنگی اور بین الاقوامی تعلقات کے فروغ کے لیے ایک سنگ میل قرار دیا جا رہا ہے۔
مزید پڑھیں
جنرل (ر) ناصر جنجوعہ: بھارتی جارحیت کا خدشہ، دفاعی تیاریوں کی ضرورت
