سعد رفیق کا شدید ردعمل
مسلم لیگ ن کے رہنما اور سابق وفاقی وزیر خواجہ سعد رفیق نے پیٹرول اور ڈیزل کی حالیہ قیمتوں میں تاریخی اضافے پر شدید تشویش کا اظہار کیا ہے۔ انہوں نے کہا۔ کہ یہ اضافہ عام آدمی کے لیے ناقابل برداشت ہوگا اور مہنگائی میں بے پناہ اضافہ کرے گا۔
پیٹرول اور ڈیزل کی قیمتوں میں تاریخی اضافہ
وفاقی حکومت نے گزشتہ رات پیٹرول کی قیمت میں 137 روپے 24 پیسے اور ڈیزل میں 184 روپے 49 پیسے اضافہ کیا۔ پیٹرول کی نئی قیمت 458 روپے 41 پیسے فی لیٹر ڈیزل کی نئی قیمت 520 روپے 35 پیسے فی لیٹر خواجہ سعد رفیق نے کہا۔ کہ غریب اور متوسط طبقہ اس بوجھ کو برداشت نہیں کر پائے گا۔
غریب اور متوسط طبقے پر اثرات
خواجہ سعد رفیق نے سوشل میڈیا پر لکھا کہ غریب آدمی آئی ایم ایف کی شرائط پوری کرتے کرتے مر جائے گا۔ متوسط طبقہ خط غربت سے نیچے چلا جائے گا۔ انہوں نے مزید خبردار کیا۔ کہ اگر ایران پر امریکی اور صیہونی حملے فوری طور پر ختم نہ ہوئے۔ تو تیسری دنیا کے کروڑوں لوگ بھوکے مر جائیں گے۔
دیگر رہنماؤں اور ٹرانسپورٹ ایسوسی ایشنز کے ردعمل
حافظ نعیم نے کہا۔کہ پیٹرول کی قیمت 458 روپے تک پہنچانا ظلم ہے اور یہ عوام کے لیے ناقابل برداشت ہوگا۔ ملک بھر میں ٹرانسپورٹ ایسوسی ایشنز بھی کرایوں میں اضافہ کرنے کی تیاری کر رہی ہیں۔ جس سے مہنگائی مزید بڑھ سکتی ہے۔
حکومت کی پالیسی اور عوامی اثر
حکومت کے مطابق یہ اضافہ عالمی مارکیٹ میں تیل کی بڑھتی ہوئی قیمتوں اور آئی ایم ایف کی شرائط کے تحت کیا گیا ہے۔ تاہم، اس فیصلے سے عوام خاص طور پر غریب طبقہ شدید متاثر ہوگا۔ خواجہ سعد رفیق اور دیگر رہنماؤں نے حکومت سے اپیل کی ہے۔ کہ عوام کی مشکلات کو مدنظر رکھتے ہوئے فوری ریلیف اقدامات کیے جائیں۔
مزید پڑھیں
پاکستان پر 81 ہزار ارب کے قرضے، ہر پاکستانی 3 لاکھ 25 ہزار روپے کا مقروض
