قوم کے نام پیغام
صدرِ مملکت آصف علی زرداری اور وزیرِ اعظم پاکستان شہباز شریف نے نئے سال کے موقع پر قوم کو مبارکباد پیش کرتے ہوئے ملک کی ترقی، خوشحالی اور استحکام کے لیے نیک خواہشات کا اظہار کیا ہے۔
پاکستان چیلنجز سے دوچار مگر بے بس نہیں، صدر مملکت
صدر مملکت نے اپنے پیغام میں کہا کہ پاکستان چیلنجز سے محفوظ نہیں مگر ہم بے بس بھی نہیں۔ اتحاد، استقامت، تخلیقی صلاحیت اور یقین کے ذریعے ہر مشکل پر قابو پایا جا سکتا ہے۔ انہوں نے کہا کہ بحیثیت قوم اور پاکستان کے نگہبان ہمیں اپنی ذمہ داریوں کی تجدید کرنا ہوگی تاکہ درپیش مسائل کا مؤثر انداز میں مقابلہ کیا جا سکے۔
وزیراعظم کی دعا—ملک کے لیے خوشحالی اور استحکام
وزیراعظم شہباز شریف نے تمام پاکستانیوں کو نئے سال کی مبارکباد دیتے ہوئے دعا کی کہ نیا سال وطنِ عزیز کے لیے امن، ترقی، معاشی خوشحالی اور مضبوط استحکام کی نوید لائے۔ وزیراعظم کا کہنا تھا کہ سنہ ۲۰۲۵ پاکستان کے دفاع کے لحاظ سے تاریخ میں سنہری حروف میں لکھا جائے گا اور پوری قوم اپنی بہادر افواج کے شانہ بشانہ کھڑی رہے گی۔
مزید پڑھیں
کراچی میں نئے سال کی ہوائی فائرنگ، نوعمر لڑکی سمیت 25 افراد زخمی
