تہران میں عاصم منیر اور ایرانی وزیر خارجہ کی اہم ملاقات
فیلڈ مارشل سید عاصم منیر کی قیادت میں پاکستانی وفد نے تہران میں ایرانی وزیر خارجہ عباس عراقچی سے اہم ملاقات کی۔ جس میں دونوں ممالک کے اعلیٰ حکام بھی شریک ہوئے۔
گرمجوش استقبال اور خیرمقدم
ایرانی وزیر خارجہ نے فیلڈ مارشل عاصم منیر اور پاکستانی وفد کا پرتپاک استقبال کیا اور ان کی آمد کو دوطرفہ تعلقات کی مضبوطی کی علامت قرار دیا۔ ملاقات خوشگوار اور مثبت ماحول میں ہوئی۔
باہمی تعلقات اور تعاون پر گفتگو
گفتگو کے دوران پاکستان اور ایران کے درمیان تعلقات کو مزید فروغ دینے اور مختلف شعبوں میں تعاون بڑھانے پر تبادلہ خیال کیا گیا۔ دونوں فریقین نے باہمی احترام اور اعتماد پر مبنی روابط کو مزید مضبوط بنانے کے عزم کا اظہار کیا۔
خطے میں امن کے لیے مشترکہ مؤقف
ایرانی وزیر خارجہ نے کہا کہ خطے میں امن اور استحکام کے فروغ کے لیے دونوں ممالک کا عزم مشترکہ اور مضبوط ہے۔ اس موقع پر علاقائی صورتحال اور جاری سفارتی کوششوں پر بھی تفصیلی بات چیت ہوئی۔
اہم سفارتی دورہ جاری
یہ دورہ ایسے وقت میں ہو رہا ہے۔ جب خطے میں مذاکراتی عمل کو دوبارہ فعال بنانے کی کوششیں جاری ہیں۔ پاکستانی وفد کی موجودگی کو امن کے قیام کی جانب ایک اہم قدم قرار دیا جا رہا ہے۔
مزید پڑھیں
جدہ میں وزیراعظم اور محمد بن سلمان کی ملاقات، تعلقات مضبوط بنانے پر گفتگو
