ایران پر حملوں کی پاکستان کی مذمت
اقوام متحدہ کی سلامتی کونسل کے اجلاس میں پاکستان کے مستقل مندوب عاصم افتخار نے مشرق وسطیٰ میں بڑھتی کشیدگی پر گہری تشویش کا اظہار کرتے ہوئے ایران پر ہونے والے حملوں کی مذمت کی۔ انہوں نے کہا۔ کہ ایسے اقدامات نہ صرف خطے بلکہ عالمی امن و استحکام کے لیے بھی خطرہ بن سکتے ہیں۔
ایران کی خودمختاری کی حمایت
پاکستانی مندوب نے کہا۔کہ پاکستان برادر ملک ایران کی سلامتی اور خودمختاری کی حمایت کرتا ہے۔ ان کے مطابق کسی بھی ملک پر غیر ضروری حملے پورے خطے کو بڑے تنازع کی طرف دھکیل سکتے ہیں اور اس سے انسانی بحران پیدا ہونے کا خدشہ بڑھ جاتا ہے۔
پاکستانی شہریوں پر اثرات
عاصم افتخار نے بتایا۔ کہ حالیہ کشیدگی کے اثرات خلیجی ممالک میں مقیم پاکستانیوں پر بھی پڑ رہے ہیں۔ متحدہ عرب امارات پر حملوں میں دو پاکستانی شہری جاں بحق ہوئے۔ جبکہ بڑی تعداد میں پاکستانی اس صورتحال سے متاثر ہو رہے ہیں۔
مذاکرات اور سفارتکاری پر زور
پاکستانی مندوب نے کہا۔ کہ مسائل کا حل طاقت کے استعمال میں نہیں بلکہ مذاکرات اور سفارتکاری میں ہے۔ انہوں نے عالمی برادری پر زور دیا کہ فریقین کو کشیدگی کم کرنے، مزید حملوں سے گریز کرنے اور امن کی کوششوں کو آگے بڑھانے پر آمادہ کیا جائے۔
مزید پڑھیں
ایران کے خلاف جنگ جیت چکے، مگر جلد نہیں نکلیں گے: ٹرمپ
