عراق میں آئل ٹینکروں پر حملے کے بعد تیل مہنگا
مشرقِ وسطیٰ میں بڑھتی کشیدگی اور عراقی پانیوں میں دو آئل ٹینکروں پر حملوں کی خبروں کے بعد عالمی منڈی میں خام تیل کی قیمتوں میں نمایاں اضافہ دیکھا گیا۔ ان واقعات کے بعد تیل کی فراہمی متاثر ہونے کے خدشات بڑھ گئے ہیں۔
عالمی منڈی میں تیل کی قیمتوں میں اضافہ
رپورٹس کے مطابق برطانوی خام تیل کی قیمت میں 9 فیصد اضافہ ریکارڈ کیا گیا۔ جس کے بعد قیمت 100.50 ڈالر فی بیرل تک پہنچ گئی۔ اسی طرح امریکی خام تیل کی قیمت بھی 8.57 فیصد اضافے کے بعد 94.73 ڈالر فی بیرل ہوگئی۔
ایشیائی تجارت میں بھی قیمتیں بڑھ گئیں
ابتدائی ایشیائی تجارت میں امریکی خام تیل ویسٹ ٹیکساس انٹرمیڈیٹ کی قیمت 7.5 فیصد اضافے کے ساتھ 93.80 ڈالر فی بیرل تک پہنچ گئی۔ جس سے عالمی توانائی منڈی میں بے چینی پیدا ہوگئی۔
ماہرین کی تشویش
ماہرین کا کہنا ہے۔ کہ اگر خلیج اور آبنائے ہرمز کے قریب کشیدگی برقرار رہی۔ تو عالمی سطح پر تیل کی قیمتوں میں مزید اتار چڑھاؤ دیکھنے میں آ سکتا ہے۔ عالمی توانائی ایجنسی کی جانب سے 400 ملین بیرل تیل جاری کرنے کے اعلان کے باوجود قیمتوں میں اضافہ ریکارڈ کیا گیا۔
مزید پڑھیں
ایرانی حملوں میں مشرقِ وسطیٰ میں امریکی تنصیبات کو بڑے پیمانے پر نقصان: رپورٹ
