میجر ریٹائرڈ راجہ نادر پرویز سپردِ خاک
سینئر سیاست دان اور 1965 کی جنگ کے ہیرو میجر ریٹائرڈ راجہ نادر پرویز کو راولپنڈی میں سپردِ خاک کر دیا گیا۔ ان کی نمازِ جنازہ میں سیاسی، سماجی شخصیات اور شہریوں کی بڑی تعداد نے شرکت کی۔
انتقال پر اظہارِ افسوس
میجر ریٹائرڈ راجہ نادر پرویز گزشتہ روز راولپنڈی میں انتقال کر گئے تھے۔ ان کی وفات پر مختلف سیاسی و سماجی حلقوں کی جانب سے گہرے دکھ اور افسوس کا اظہار کیا گیا۔
سیاسی خدمات
83 برس کی عمر میں انتقال کرنے والے راجہ نادر پرویز چار مرتبہ فیصل آباد اور ایک مرتبہ راولپنڈی سے رکن قومی اسمبلی منتخب ہوئے۔ وہ دو مرتبہ وفاقی وزیر بھی رہے اور ملکی سیاست میں ایک نمایاں مقام رکھتے تھے۔
جنگی خدمات اور اعزازات
فوج میں ملازمت کے دوران انہوں نے 1965 اور 1971 کی جنگوں میں جرات و بہادری کا مظاہرہ کیا، جس پر انہیں دو مرتبہ ستارۂ جرات سے نوازا گیا۔ 1971 میں مشرقی پاکستان میں جنگی قیدی بنے، تاہم فتح گڑھ کے بھارتی کیمپ سے فرار ہو کر وطن واپس پہنچنے میں کامیاب رہے۔
سیاسی سفر
فوج سے ریٹائرمنٹ کے بعد انہوں نے عملی سیاست میں قدم رکھا۔ ان کے سیاسی سفر کا آغاز اسلامی جمہوری اتحاد سے ہوا، بعد ازاں مسلم لیگ (ن) کا حصہ بنے اور پھر تحریک انصاف میں شمولیت اختیار کی۔
مزید پڑھیں
ٹھنڈے موسم میں دل کے امراض بڑھنے کا خدشہ، احتیاط کیوں ضروری؟
