متعدد زخمی
لاہور کے علاقے کاہنہ میں ایک افسوسناک حادثہ پیش آیا، جہاں ٹیوشن سینٹر کی چھت گرنے سے 14 بچے جاں بحق جبکہ متعدد دیگر زخمی ہوگئے۔ واقعے کے وقت ایک خاتون ٹیچر سمیت 20 سے 25 بچے سینٹر میں موجود تھے، جس کے باعث علاقے میں سوگ کی فضا قائم ہوگئی۔
ریسکیو آپریشن اور زخمی بچوں کی حالت
ریسکیو حکام کے مطابق حادثے کی اطلاع شام 4:45 بجے موصول ہوئی، جس کے بعد امدادی ٹیمیں فوری طور پر موقع پر پہنچ گئیں۔ ملبے تلے دبے بچوں کو نکالنے کے لیے کئی گھنٹوں تک ریسکیو آپریشن جاری رہا۔ حکام کے مطابق 5 سے 6 بچوں کو بحفاظت نکالا گیا، جن میں سے 2 بچوں کو ابتدائی طبی امداد کے بعد گھر بھیج دیا گیا جبکہ 4 بچے زیر علاج ہیں اور ان کی حالت خطرے سے باہر بتائی جا رہی ہے۔
حادثے کی تحقیقات، متعدد افراد حراست میں
پولیس کے مطابق حادثے کے وقت ٹیوشن سینٹر کی بالائی منزل پر تعمیراتی کام جاری تھا جبکہ بچے گراؤنڈ فلور پر کلاس لے رہے تھے۔ ابتدائی تحقیقات کے بعد ٹیوشن سینٹر چلانے والے 5 افراد کو حراست میں لے لیا گیا ہے، جبکہ حکام کا کہنا ہے کہ مکمل تحقیقات کے بعد حادثے کی اصل وجوہات سامنے لائی جائیں گی۔
وزیراعظم اور وزیراعلیٰ پنجاب کا اظہار افسوس
وزیراعظم شہباز شریف نے ٹیوشن سینٹر کی چھت گرنے سے 14 بچوں کی ہلاکت پر گہرے دکھ اور افسوس کا اظہار کرتے ہوئے جاں بحق بچوں کے درجات کی بلندی اور زخمیوں کی جلد صحت یابی کی دعا کی۔ انہوں نے متعلقہ اداروں کو زخمی بچوں کو بہترین طبی سہولیات فراہم کرنے کی ہدایت بھی جاری کی۔ دوسری جانب وزیراعلیٰ پنجاب مریم نواز نے واقعے کا فوری نوٹس لیتے ہوئے تفصیلی رپورٹ طلب کرلی ہے۔ انہوں نے زخمی بچوں کے علاج میں کسی قسم کی غفلت نہ برتنے کی ہدایت دی، جبکہ صوبائی وزیر اطلاعات عظمیٰ بخاری نے کہا کہ خستہ حال عمارت کو ٹیوشن سینٹر کے طور پر استعمال کرنا انتہائی افسوسناک ہے اور ذمہ دار عناصر کے خلاف سخت کارروائی کی جائے گی۔
مزید پڑھیں
آیت اللہ علی خامنہ ای کی نماز جنازہ میں شرکت کیلئے وزیراعظم ایران روانہ ہوں گے
