روبوٹک سرجری کا کامیاب آپریشن
اسلام آباد کی تاریخ میں پہلی بار پمز اسپتال میں روبوٹک سرجری کامیابی سے مکمل کرلی گئی ہے۔
جدید ٹیکنالوجی سے آپریشن
تفصیلات کے مطابق سرجری کے لیے جدید ٹو مائی سرجیکل روبوٹ کا استعمال کیا گیا، جس سے آپریشن نہایت محفوظ اور مؤثر رہا۔
ماہر ڈاکٹروں کی قیادت
آپریشن میں برطانیہ کے بین الاقوامی ماہرین نے بھی حصہ لیا۔ پمز کے پروفیسر شمیم خان، پروفیسر متین شریف اور ڈاکٹر جاوید برکی نے سرجری کی رہنمائی کی۔ علاوہ ازیں ڈاکٹر عاطف انعام شامی، ڈاکٹر برہان الحق اور ڈاکٹر خالد سعید نے بھی حصہ لیا۔
ایگزیکٹو ڈائریکٹر کا بیان
پمز کے ایگزیکٹو ڈائریکٹر ڈاکٹر عمران سکندر نے کہا کہ روبوٹک سرجری سے مریض کو کم سے کم تکلیف ہوتی ہے اور پیچیدہ آپریشن اب زیادہ محفوظ اور مؤثر ہو گئے ہیں۔
مستقبل میں مزید کامیاب تجربات
ڈاکٹر عمران سکندر نے امید ظاہر کی کہ پمز میں آئندہ بھی اس طرح کے کامیاب اور جدید روبوٹک آپریشن کیے جائیں گے، جس سے مریضوں کی صحت بہتر اور خطرات کم ہوں گے۔
مزید پڑھیں
الٹرا پروسیسڈ غذائیں خواتین میں کس بیماری کا باعث بن سکتی ہیں؟
