بھارت کے ممکنہ میزائل حملے پر انتباہ
سابق مشیر قومی سلامتی لیفٹیننٹ جنرل (ر) ناصر جنجوعہ نے سیمینار سے خطاب میں کہا۔ کہ بھارت پاکستان پر دوبارہ میزائل حملہ کرسکتا ہے اور ہمیں اس پر کڑی نظر رکھنی ہوگی۔ ان کا کہنا تھا کہ پاکستان جدید ترین میزائل ٹیکنالوجی سے لیس ہے۔ اور دشمن کے عزائم کا بھرپور جواب دے سکتا ہے۔
بھارت کی عالمی تنہائی اور پاکستان کی سفارتی کامیابیاں
ناصر جنجوعہ نے کہا کہ حالیہ معرکوں کے بعد پاکستان اور اس کی افواج کا وقار دنیا میں بڑھا ہے جبکہ بھارت عالمی سطح پر تنہا ہو رہا ہے۔ سیمینار میں مقررین نے پاکستان کے چین اور امریکہ کے ساتھ متوازی تعلقات کو سفارتی کامیابی قرار دیا تاہم اس میں مزید بہتری کی ضرورت پر زور دیا۔
امریکا، امت مسلمہ اور خطے کے مسائل
ناصر جنجوعہ نے الزام عائد کیا کہ امریکا نے مسلم دنیا کے کئی ممالک کو تباہ کیا اور پاکستان جیسی ایٹمی قوت کو ہمیشہ کھٹکتا رہا۔ ان کا کہنا تھا۔ کہ بھارت کے اندرونی سیاسی حالات ایسے ہیں۔ جن کے باعث پاکستان پر دوبارہ جارحیت کو نظرانداز نہیں کیا جا سکتا۔
عسکری ماہرین کی رائے
ائیر مارشل (ر) ساجد حبیب نے کہا۔ کہ بھارت کی حمایت یافتہ کالعدم تنظیم ٹی ٹی پی پوری دنیا کے لیے خطرہ ہے۔ اور اگر بھارت نے اس بار حملہ کیا تو 70 جہاز گرائے جائیں گے۔ پاکستان نیوی کے رئیر ایڈمرل (ر) این اے رضوی نے کہا کہ جب تک گوادر مکمل آپریشنل نہیں ہوتا، پاکستان کے لیے خطرات موجود رہیں گے۔
پاکستان کی معاشی اور سیاسی چیلنجز
ماہرین نے زور دیا کہ پاکستان کی معیشت کو بہتر بنانے کے لیے فارن انویسٹمنٹ اور اداروں کی صلاحیت بڑھانے کی ضرورت ہے۔ محمد مہدی کے مطابق سی پیک پر جس تیزی سے کام ہونا چاہیے تھا وہ نہیں ہو سکا۔ سلمان غنی اور دیگر مقررین نے کہا۔ کہ پاک فوج نے اپنا کردار ادا کیا ہے۔ مگر سیاسی اور معاشی میدان میں مزید کام باقی ہے۔
مزید پڑھیں
ٹرمپ: غزہ میں حماس کی حکمرانی برقرار رہی تو اسے ختم کر دیا جائے گا۔
