بھارتی فضائیہ کی بڑی مشقیں
بھارت نے پاکستانی سرحد کے قریب گجرات کے علاقے کچھ میں بڑے پیمانے پر فضائی مشقوں کا اعلان کیا ہے۔ جس کے باعث بیس سے اکیس جنوری تک فضائی حدود کو بین الاقوامی پروازوں کے لیے بند کر دیا گیا ہے۔ اس سلسلے میں نوٹس ٹو ایئر مین بھی جاری کر دیا گیا ہے۔
جدید لڑاکا طیاروں کی شمولیت
بھارتی میڈیا کے مطابق مشقوں میں رافیل، سخوئی 30 ایم کے آئی، جیگوار اور دیگر فرنٹ لائن لڑاکا طیارے حصہ لیں گے۔ ان مشقوں میں تیز رفتار پروازیں، ہوائی لڑائی کی تربیت اور ممکنہ طور پر لائیو فائرنگ مشقیں بھی شامل ہوں گی۔
حساس سرحدی علاقوں میں سرگرمیاں
محدود فضائی زون پاکستان کے ساتھ بھارت کی جنوبی سرحدی حدود کے حساس علاقے پر محیط ہوگا۔ جس میں سرکریک، بحیرہ عرب، راجکوٹ اور احمد آباد کے قریب کے علاقے شامل ہیں۔ ان مشقوں کے باعث خطے میں کشیدگی بڑھنے کے خدشات کا اظہار کیا جا رہا ہے۔
مزید پڑھیں
غزہ میں انسانی بحران شدید، 10 ممالک نے اسرائیل سے امدادی رکاوٹیں ہٹانے کا مطالبہ
