وزیراعلیٰ پنجاب کا اہم فیصلہ
وزیراعلیٰ پنجاب مریم نواز شریف نے معروف سیاسی رہنما عرفان صدیقی مرحوم کے بڑے صاحبزادے عمران خاور صدیقی کو ایڈوائزر وزیراعلیٰ پنجاب مقرر کر دیا ہے۔ اس حوالے سے صوبائی محکمہ سروسز اینڈ جنرل ایڈمنسٹریشن ڈیپارٹمنٹ (S&GAD) نے باقاعدہ نوٹیفکیشن بھی جاری کر دیا ہے۔
تقرری کا باضابطہ نوٹیفکیشن
ذرائع کے مطابق مسلم لیگ (ن) کے قائد نواز شریف کی خواہش تھی کہ عرفان صدیقی کی خالی سینیٹ کی نشست ان کے بیٹے کو دی جائے، تاہم قانونی اور سرکاری ضوابط کے باعث یہ ممکن نہ ہو سکا۔
سینیٹ الیکشن میں رکاوٹ
ذرائع کا کہنا ہے کہ عمران خاور صدیقی اس وقت پنجاب بورڈ آف انویسٹمنٹ کے سربراہ کے طور پر خدمات انجام دے رہے ہیں اور سرکاری خزانے سے تنخواہ حاصل کر رہے تھے، جس کی وجہ سے وہ سینیٹ کا الیکشن لڑنے کے اہل قرار نہیں پائے۔
سیاسی حلقوں میں ردعمل
اس تقرری کو سیاسی حلقوں میں اہم پیش رفت قرار دیا جا رہا ہے اور مختلف سیاسی مبصرین اس فیصلے کو پنجاب حکومت کی نئی حکمت عملی سے جوڑ رہے ہیں۔
مزید پڑھیں
سیاسی، اقتصادی، دفاعی اور ٹیکنالوجی شعبوں میں پاکستان-انڈونیشیا شراکت
