ملزم سعد عباسی گرفتار
اسلام آباد پولیس نے پاک فضائیہ کے شہید گروپ کیپٹن عاصم طارق کے قتل میں ملوث ملزم سعد عباسی کو تھانہ کھنہ کے علاقے سے گرفتار کر لیا۔ پولیس کے مطابق ملزم کو واقعے کے چند گھنٹوں کے اندر حراست میں لیا گیا۔
خاتون کو بچاتے ہوئے جان قربان کی
پولیس کے مطابق گروپ کیپٹن عاصم طارق نے نائنتھ ایونیو پر ایک خاتون کو مشکل میں دیکھ کر مداخلت کی۔ خاتون کو محفوظ بنانے کے بعد ملزم نے ان پر فائرنگ کر دی، جس کے نتیجے میں وہ شہید ہو گئے۔
خاتون نے واقعے کی تفصیلات بتا دیں
متاثرہ خاتون کے مطابق ملزم اس کا دفتر کا ساتھی تھا اور اسے زبردستی دوسری جگہ لے جانا چاہتا تھا۔ مزاحمت پر دونوں کے درمیان جھگڑا ہوا، جس کے دوران گروپ کیپٹن عاصم نے بروقت پہنچ کر خاتون کی مدد کی۔
پولیس نے 9 گھنٹوں میں ملزم گرفتار کیا
آئی جی اسلام آباد علی ناصر رضوی نے بتایا کہ کیس کی تحقیقات کے لیے 11 ٹیمیں تشکیل دی گئیں اور جدید شواہد کی مدد سے ملزم کو صرف 9 گھنٹوں میں گرفتار کر لیا گیا۔
قانون کے مطابق کارروائی کا اعلان
پولیس حکام کا کہنا ہے کہ ملزم کے خلاف قانون کے مطابق کارروائی کی جائے گی اور شہید گروپ کیپٹن عاصم طارق کو انصاف فراہم کرنے کے لیے تمام قانونی تقاضے پورے کیے جائیں گے۔
مزید پڑھیں
سول سروسز اکیڈمی کی رپورٹ، پاکستان میں ڈھائی کروڑ بچے تعلیم سے محروم
