ایپل کی اپنے ایئرپوڈز میں کیمرے متعارف کرانے کی تیاری
ٹیکنالوجی کمپنی ایپل انکارپوریشن ایک بار پھر اسمارٹ ڈیوائسز کی دنیا میں بڑی تبدیلی لانے کی تیاری کر رہی ہے۔ رپورٹس کے مطابق کمپنی ایسے نئے ایئرپوڈز پر کام کر رہی ہے. جن میں چھوٹے کیمرے اور جدید مصنوعی ذہانت (اے آئی) فیچرز شامل ہوں گے، جو صارف کے تجربے کو مکمل طور پر بدل سکتے ہیں۔
ایئرپوڈز میں کیمرے
ذرائع کے مطابق نئے ایئرپوڈز میں بِلٹ اِن کیمرے شامل کیے جانے کی تیاری ہے۔ یہ کیمرے صرف تصویر یا ویڈیو کے لیے نہیں بلکہ اے آئی سسٹم کے ساتھ مل کر ماحول کو سمجھنے اور صارف کو ریئل ٹائم معلومات دینے کے لیے استعمال ہو سکتے ہیں۔
مصنوعی ذہانت سے لیس تیسری آنکھ ڈیوائس
ایپل اس منصوبے کے تحت ایئرپوڈز کو ایک طرح کی تیسری آنکھ بنانے پر کام کر رہا ہے۔ یعنی یہ ڈیوائس نہ صرف آواز سن سکے گی بلکہ بصری معلومات کو بھی سمجھ کر صارف کی مدد کرے گی. جو مستقبل میں اے آر (اگمینٹڈ ریئلٹی) کے تجربات کو مزید بہتر بنا سکتی ہے۔
فائنل ٹیسٹنگ اور ترقی کا مرحلہ
رپورٹس کے مطابق یہ پروجیکٹ اس وقت فائنل ٹیسٹنگ کے مراحل میں ہے۔ ایپل نے ڈیزائن اور فیچرز کو تقریباً حتمی شکل دے دی ہے، تاہم مکمل لانچ سے پہلے مزید بہتری پر کام جاری ہے۔
لانچ میں تاخیر کی وجہ
ابتدائی طور پر توقع کی جا رہی تھی کہ یہ جدید ایئرپوڈز جلد متعارف کرا دیے جائیں گے. مگر جنریٹیو اے آئی پر مبنی سری کی مکمل تیاری نہ ہونے کے باعث اس پروڈکٹ کی لانچ میں تاخیر کی گئی ہے۔
ڈیزائن میں ممکنہ تبدیلیاں
نئے ایئرپوڈز ڈیزائن کے لحاظ سے موجودہ پرو ماڈلز سے ملتے جلتے ہوں گے. تاہم کیمروں کی تنصیب کے باعث ان کی اسٹیم (ڈنڈی) نسبتاً لمبی ہو سکتی ہے۔ یہ تبدیلی تکنیکی ضروریات کو مدنظر رکھتے ہوئے کی جا رہی ہے۔
مزید پڑھیں
ڈیجیٹل تھکاوٹ کیا ہے؟ اسکرین کا بڑھتا استعمال نوجوانوں میں ذہنی بحران کی وجہ
