گورنر کے اعتراض پر وزیراعلیٰ خیبرپختونخوا کا ردعمل
گورنر خیبرپختونخوا فیصل کریم کنڈی کی جانب سے استعفوں پر اعتراض کے بعد وزیراعلیٰ علی امین گنڈا پور کا ردعمل سامنے آگیا۔
علی امین نے سوشل میڈیا پر جاری پیغام میں لکھا۔ کہ انہوں نے اپنے دونوں استعفے 8 اکتوبر اور 11 اکتوبر کو اپنے مستند دستخط کے ساتھ جمع کرائے تھے۔
علی امین گنڈا پور کی وضاحت
وزیراعلیٰ کا کہنا تھا۔ کہ 8 اکتوبر کا استعفیٰ جسے پہلے مسترد کردیا گیا تھا۔ اب تسلیم کرلیا گیا ہے۔
انہوں نے سوشل میڈیا پر گورنر کی پوسٹ پر جواب دیتے ہوئے دونوں استعفوں کی کاپیاں بھی شیئر کر دی ہیں۔ تاکہ غلط فہمی دور کی جا سکے۔
گورنر خیبرپختونخوا کا موقف
یاد رہے کہ گورنر خیبرپختونخوا فیصل کریم کنڈی نے علی امین گنڈا پور کے دستخطوں پر اعتراض اٹھاتے ہوئے استعفیٰ واپس کردیا تھا۔
گورنر کی جانب سے جاری خط میں مؤقف اختیار کیا گیا۔ کہ دونوں استعفوں پر موجود دستخط ایک دوسرے سے مختلف اور غیر مشابہ ہیں۔
تصدیق کے لیے طلبی
گورنر خیبرپختونخوا نے وزیراعلیٰ علی امین گنڈا پور کو 15 اکتوبر دوپہر 3 بجے گورنر ہاؤس آنے کی ہدایت کی ہے۔ تاکہ استعفوں کی باضابطہ تصدیق کی جا سکے۔
مزید پڑھیں
اے آئی انڈسٹری میں سرمایہ کاری کا بلبلہ خطرناک حد تک بڑھ گیا
