علیمہ خان پر رانا ثنا اللہ کے سنگین الزامات
اسلام آباد میں سیاسی ماحول ایک بار پھر کشیدہ ہو گیا ہے۔ وزیراعظم کے مشیر رانا ثنا اللہ نے الزام عائد کیا ہے کہ علیمہ خان اپنے بھائی عمران خان کے ایسے پیغامات پہنچاتی رہی ہیں جن سے ملک میں انارکی اور افراتفری پیدا ہو سکتی تھی۔ ان کے مطابق حکومت ایسے اقدامات ہرگز برداشت نہیں کرے گی۔
پیغامات سے متعلق شواہد کا دعویٰ
رانا ثنا اللہ نے دعویٰ کیا کہ حکومت کے پاس ثبوت موجود ہیں کہ علیمہ خان “انتشار پھیلانے والے پیغامات” باہر پہنچاتی رہی ہیں۔ انہوں نے کہا کہ ریاست کسی کو ملک میں انتشار پیدا کرنے کی اجازت نہیں دے سکتی۔
عمران خان کی جیل پالیسی پر ردعمل
ان کا کہنا تھا کہ عمران خان اگر جیل میں ہیں تو جیل ہی کاٹیں۔ اگر انہوں نے جیل سے بیٹھ کر تحریک چلانے یا انتشار پیدا کرنے کی کوشش کی تو اس کے نتائج انہیں بھگتنا ہوں گے۔ رانا ثنا اللہ کے مطابق قانون انتظامیہ کو ایسے افراد کی ملاقات روکنے کا اختیار دیتا ہے۔
تشدد کے الزامات اور حکومتی مؤقف
انہوں نے کہا کہ پہلے یہ طے ہونا ضروری ہے کہ تشدد ہوا بھی ہے یا نہیں۔ دھرنا دینا کسی کا حق نہیں جبکہ انتظامیہ کا اختیار ہے کہ ایسے لوگوں کو ہٹائے—تاہم یہ عمل بغیر تشدد کے ہونا چاہیے۔ خواتین پر تشدد کا کوئی دفاع ممکن نہیں، اس کی مکمل تحقیقات ہونی چاہئیں۔
معاملے کا حل عدالت میں ممکن
رانا ثنا اللہ کے مطابق اس صورتحال کو بغیر تشدد کے بہتر طریقے سے حل ہونا چاہیے تھا۔ ان کا کہنا تھا کہ اصل فیصلہ اسلام آباد ہائی کورٹ میں ہونا چاہیے جہاں انتظامیہ اور متاثرہ افراد دونوں اپنا مؤقف پیش کریں گے۔
مزید پڑھیں
ٹرمپ: میں نے پاک بھارت جنگ تین سو پچاس فیصد ٹیرف کی دھمکی سے روکی
