الٹرا پروسیسڈ غذائیں خواتین میں باول کینسر کا خطرہ بڑھا سکتی ہیں
ایک نئی تحقیق میں انکشاف ہوا ہے کہ وہ خواتین جو زیادہ مقدار میں الٹرا پروسیسڈ غذائیں کھاتی ہیں، ان میں باول کینسر کے ابتدائی علامات ظاہر ہونے کے امکانات بڑھ جاتے ہیں۔
تحقیق کے نتائج
جاما اونکولوجی میں شائع تحقیق میں ماہرین نے بتایا کہ باقاعدگی سے الٹرا پروسیسڈ غذائیں کھانے والی خواتین میں باول میں ابتدائی غیر کینسر زدہ رسولی بننے کے امکانات زیادہ ہیں، جو طویل عرصے بعد کینسر کا روپ دھار سکتے ہیں۔
تحقیق کا دائرہ کار
تحقیق میں اوسطاً 45 برس کی 29,105 خواتین کو شامل کیا گیا اور ہر چار برس بعد فوڈ سروے کے ذریعے ان کی غذائی عادات کا جائزہ لیا گیا۔
خطرات کی شرح
نتائج سے معلوم ہوا کہ جو خواتین باقاعدگی سے الٹرا پروسیسڈ غذائیں کھاتی تھیں، ان میں یہ غیر نقصان دہ رسولیاں بنانے کے امکانات 45 فیصد زیادہ تھے، جبکہ وہ خواتین جو ایسی غذائیں نہیں کھاتیں، ان میں یہ خطرہ کم تھا۔
غذائی اثرات اور آگاہی
ماہرین کا کہنا تھا کہ یہ تحقیق واضح کرتی ہے کہ غذا کس طرح باول میں ابتدائی تبدیلیوں پر اثر ڈال سکتی ہے اور خواتین کو صحت مند غذائی عادات اپنانے کی ضرورت ہے۔
مزید پڑھیں
اسلام آباد ہسپتال میں پہلی بار روبوٹک سرجری کا کامیاب آپریشن
