وزیراعظم شہباز شریف کی امریکی صدر ڈونلڈ ٹرمپ سے رواں ماہ پچیس ستمبر کو ملاقات کا امکان ہے۔ یہ ملاقات وزیر اعظم کے اقوام متحدہ کے دورے کے دوران متوقع ہے اور دونوں رہنماؤں کے درمیان اہم امور پر بات چیت کی توقع کی جا رہی ہے۔ ذرائع کے مطابق اس ملاقات کو خطے کے بدلتے حالات میں ایک اہم موقع قرار دیا جا رہا ہے۔
قطر اور سعودی عرب کی مشاورت
ذرائع کے مطابق ملاقات قطر اور سعودی عرب کی مشاورت، حمایت اور تائید کے بعد طے پانے کا امکان ہے۔ اس ملاقات میں قطر پر اسرائیلی حملوں کے اثرات پر خصوصی بات چیت ہوگی تاکہ خطے کی سلامتی اور امن قائم رکھنے کے لیے مشترکہ حکمت عملی تیار کی جا سکے۔
سیلاب اور پاک بھارت صورتحال
ملاقات کے دوران پاکستان میں حالیہ سیلاب کی تباہ کاریوں پر بھی گفتگو ہوگی۔ وزیر اعظم شہباز شریف امریکی صدر کو پاکستان میں متاثرہ علاقوں کی بحالی کے اقدامات سے آگاہ کریں گے۔ اس کے ساتھ ساتھ پاک بھارت تعلقات اور خطے میں پیدا ہونے والی کشیدگی پر بھی تبادلہ خیال متوقع ہے۔
پاکستانی سفارتخانے کا ردعمل
واشنگٹن میں پاکستانی سفارتخانے نے اس متوقع ملاقات پر کسی بھی قسم کی باضابطہ تردید یا تصدیق سے گریز کیا ہے۔ تاہم سفارتی ذرائع کے مطابق اگر یہ ملاقات عمل میں آتی ہے تو دونوں ممالک کے تعلقات کے لیے ایک اہم پیش رفت ثابت ہو سکتی ہے۔
مزید پڑھیں
پاکستان اور کویت کی درخواست پر جنیوا اجلاس: قطر پر اسرائیلی حملے پر غور
