سہیل آفریدی کی گرفتاری کا حکم
ڈسٹرکٹ اینڈ سیشن کورٹ نے وزیراعلیٰ خیبرپختونخوا سہیل آفریدی کے خلاف جاری مقدمے میں عدم حاضری پر انہیں گرفتار کرکے عدالت میں پیش کرنے کا حکم دے دیا۔
عدالت نے ناقابل ضمانت وارنٹ برقرار رکھے
ڈسٹرکٹ اینڈ سیشن کورٹس اسلام آباد میں مقدمے کی سماعت کے دوران عدالت نے سہیل آفریدی کی عدم حاضری کا نوٹس لیا۔ سینئر سول جج عباس شاہ نے ناقابل ضمانت وارنٹ گرفتاری برقرار رکھتے ہوئے متعلقہ حکام کو ہدایت دی کہ ملزم کو گرفتار کر کے آئندہ سماعت پر عدالت میں پیش کیا جائے۔
مقدمہ کس نوعیت کا ہے؟
سہیل آفریدی کے خلاف ریاستی اداروں پر مبینہ گمراہ کن الزامات عائد کرنے اور ان کی ساکھ متاثر کرنے کے الزام میں مقدمہ درج ہے۔ یہ مقدمہ نیشنل سائبر کرائم انویسٹی گیشن ایجنسی (این سی سی آئی اے) نے پیکا ایکٹ کے تحت درج کیا تھا، جس کی سماعت اسلام آباد کی عدالت میں جاری ہے۔
آئندہ سماعت جولائی میں ہوگی
عدالت نے مقدمے کی مزید سماعت جولائی تک ملتوی کرتے ہوئے متعلقہ اداروں کو عدالتی احکامات پر عمل درآمد یقینی بنانے کی ہدایت کی۔ کیس میں آئندہ پیش رفت آئندہ سماعت کے دوران سامنے آنے کا امکان ہے۔
مزید پڑھیں
پی ٹی آئی دور میں 400 لاپتا افراد بازیاب ہوئے، اسد قیصر کا دعویٰ
