سعد ایدھی کی گرفتاری پر گورنر سندھ کا مؤقف
گورنر سندھ سید محمد نہال ہاشمی نے امدادی مشن کے دوران سعد ایدھی کی مبینہ گرفتاری پر گہری تشویش اور افسوس کا اظہار کیا ہے۔ ان کا کہنا ہے۔ کہ انسانیت کی خدمت کرنے والے رضاکاروں کو روکنا عالمی انسانی اقدار اور بین الاقوامی قوانین کے منافی ہے۔
امدادی مشن کے دوران پیش آنے والا واقعہ
گورنر سندھ کے مطابق سعد ایدھی اور ان کے ساتھی مبینہ طور پر فلسطینی عوام کے لیے خوراک، ادویات اور دیگر امدادی سامان لے کر جا رہے تھے۔ جب یہ واقعہ پیش آیا۔ اس صورتحال کو انسانی خدمت کے جذبے کے خلاف قرار دیا جا رہا ہے۔
انسانی خدمت کو روکنا قابل افسوس عمل
سید محمد نہال ہاشمی نے کہا کہ ایسے فلاحی کارکنوں کی سرگرمیوں کو روکنا انسان دوستی کے جذبے کو دبانے کی ناکام کوشش ہے۔ ان کے مطابق امدادی کام کرنے والے افراد کو سہولت فراہم کی جانی چاہیے نہ کہ رکاوٹ۔
عالمی برادری سے فوری نوٹس لینے کا مطالبہ
گورنر سندھ نے عالمی برادری سے اپیل کی ہے کہ اس واقعے کا فوری نوٹس لیا جائے اور امدادی کارکنوں کی محفوظ رہائی کو یقینی بنایا جائے تاکہ انسانی امداد کی سرگرمیاں بغیر کسی رکاوٹ کے جاری رہ سکیں۔
ایدھی فاؤنڈیشن کی خدمات پر خراجِ تحسین
انہوں نے کہا۔ کہ ایدھی فاؤنڈیشن اور ایدھی خاندان نے ہمیشہ مذہب، رنگ اور نسل سے بالاتر ہو کر انسانیت کی خدمت کی مثال قائم کی ہے۔ ان کے مطابق یہ خدمات پاکستان کے لیے فخر کا باعث ہیں۔
انسانی خدمت کا سفر جاری رہے گا
گورنر سندھ نے کہا کہ انسانیت کی خدمت کا سفر کسی رکاوٹ سے نہیں رک سکتا۔ ایسے واقعات دراصل اس جذبے کو مزید مضبوط کرتے ہیں اور خدمت خلق کے مشن کو آگے بڑھاتے ہیں۔
مزید پڑھیں
ایران جنگ کے بعد امریکا کے میزائل ذخائر میں کمی، پینٹاگون نے 10 ہزار میزائل خرید لیے
