ایران جنگ میں امریکا کو بڑا نقصان
عراق میں جاری امریکی فوجی کارروائی کے دوران امریکی فضائیہ کو بڑا نقصان اٹھانا پڑا ہے۔ امریکی سینٹرل کمانڈ کے مطابق کے سی 135 اسٹریٹو ٹینکر طیارہ آپریشن ایپک فیوری کے دوران حادثے کا شکار ہو کر مغربی عراق میں گر کر تباہ ہو گیا۔
حادثہ مغربی عراق میں پیش آیا
امریکی سینٹرل کمانڈ کی جانب سے جاری بیان میں کہا گیا کہ حادثہ فرینڈلی فضائی حدود میں پیش آیا جس کے بعد فوری طور پر ریسکیو آپریشن شروع کر دیا گیا۔ حکام کے مطابق اس واقعے میں دو طیارے شامل تھے جن میں سے ایک گر کر تباہ ہو گیا جبکہ دوسرا طیارہ بحفاظت لینڈ کرنے میں کامیاب رہا۔
حادثے کی وجوہات کی تحقیقات
سینٹرل کمانڈ نے واضح کیا ہے کہ یہ حادثہ نہ دشمن کے حملے اور نہ ہی فرینڈلی فائر کے باعث پیش آیا۔ واقعے کی اصل وجوہات جاننے کے لیے تحقیقات جاری ہیں اور مزید تفصیلات بعد میں جاری کی جائیں گی۔
پہلے بھی طیارے تباہ ہونے کی اطلاعات
ذرائع کے مطابق اس سے قبل بھی اسی آپریشن کے دوران تین امریکی لڑاکا طیارے ایک فرینڈلی فائر واقعے میں تباہ ہو چکے ہیں۔ حکام کا کہنا ہے کہ واقعے سے متعلق مزید معلومات جمع کی جا رہی ہیں اور متاثرہ اہلکاروں کے اہل خانہ کو آگاہ کیا جائے گا۔
مزید پڑھیں
عالمی منڈی میں خام تیل 10 فیصد مہنگا، برینٹ کروڈ 101 ڈالر فی بیرل سے تجاوز
