دفاعِ وطن پر کوئی سمجھوتہ نہیں
وزیراعظم شہباز شریف نے افغان طالبان کو مؤثر جواب دینے پر پاک فوج کو زبردست خراجِ تحسین پیش کیا اور کہا کہ ملکی دفاع پر کوئی سمجھوتہ نہیں کیا جائے گا۔
افواجِ پاکستان کی صلاحیت پر اعتماد
وزیراعظم نے اپنے بیان میں کہا کہ افواجِ پاکستان جارحانہ عزائم کو خاک میں ملانے کی مکمل صلاحیت رکھتی ہیں۔ ملک کے امن اور تحفظ پر کسی قسم کی آنچ نہیں آنے دی جائے گی۔ انہوں نے کہا کہ فیلڈ مارشل عاصم منیر کی قیادت میں افواج قومی جذبے کے ساتھ اپنے فرائض انجام دے رہی ہیں اور ہر چیلنج کا مقابلہ کرنے کے لیے تیار ہیں۔
دشمن کو بھرپور جواب دینے کا عزم
وزیراعظم نے واضح کیا۔ کہ افواجِ پاکستان پیشہ ورانہ مہارت اور مؤثر دفاعی حکمتِ عملی سے لیس ہیں۔ کسی بھی اندرونی یا بیرونی خطرے سے نمٹنے کی مکمل تیاری موجود ہے۔ ان کا کہنا تھا۔ کہ پاکستان نے ہمیشہ امن کو فروغ دیا ہے۔ تاہم اگر ملکی سالمیت کو خطرہ لاحق ہوا تو دشمن کو منہ توڑ جواب دیا جائے گا۔ قوم اپنی افواج کے شانہ بشانہ کھڑی ہے۔
مزید پڑھیں
کیا 10 روپے کا نوٹ ختم ہوگا؟ حکومتی کمیٹی کی رپورٹ سامنے آ گئی
