بسنت کے موقع پر حفاظتی اقدامات
لاہور میں بسنت کے موقع پر ائیرپورٹ کے اطراف پتنگ بازی پر پابندی عائد کر دی گئی ہے۔ انتظامیہ کی جانب سے جاری نوٹیفکیشن میں کہا گیا ہے کہ طیاروں کے ٹیک آف اور لینڈنگ والے علاقوں میں کسی بھی قسم کی پتنگ بازی ممنوع ہوگی تاکہ فضائی راستوں میں رکاوٹ نہ آئے۔
پابندی والے علاقے
نوٹیفکیشن کے مطابق نادرا آباد، گلشن علی کالونی، نشاط کالونی، اور بھٹہ چوک کے علاقوں میں پتنگ بازی پر پابندی ہوگی۔ اس کے علاوہ ڈی ایچ اے کے بلاکس آر، ایس، پی اور کیو، الفیصل ٹاؤن، جوڑے پُل، تاجپورہ اور تاجپورہ سے ملحقہ کینال روڈ پر بھی پتنگ بازی ممنوع قرار دی گئی ہے۔
شہریوں کی تیاری اور پابندی کی اہمیت
پنجاب حکومت نے لاہور میں 6 سے 8 فروری تک بسنت منانے کا اعلان کیا ہے۔ شہریوں کی جانب سے پتنگوں کی خریداری زور و شور سے جاری ہے، تاہم فضائی سیکیورٹی کے پیشِ نظر ان پابندیوں پر عمل کرنا لازمی ہے۔
مزید پڑھیں
یو اے ای میں شہریوں کی مالی مشکلات،شہری زیورات بیچنے پر مجبور
