شورکوٹ میں فضا سوگوار
لاہور میں کھلے مین ہول میں گرنے کے افسوسناک حادثے میں جاں بحق ہونے والی ماں بیٹی سعدیہ اور ردا فاطمہ کی میتیں شورکوٹ کے نواحی گاؤں اللہ یار جوتہ پہنچا دی گئیں۔ میتوں کی آمد پر پورے علاقے میں کہرام مچ گیا اور فضا سوگوار ہو گئی۔
اہلِ علاقہ کی بڑی تعداد شریک
مقامی ذرائع کے مطابق میتوں کے آبائی گھر پہنچنے پر اہلِ علاقہ کی بڑی تعداد جمع ہو گئی جبکہ لواحقین غم سے نڈھال دکھائی دیے۔ اس دلخراش واقعے نے نہ صرف متاثرہ خاندان بلکہ پورے علاقے کو رنج و الم میں مبتلا کر دیا ہے۔
نمازِ جنازہ آج ادا کی جائے گی
اہلِ خانہ کے مطابق جاں بحق ماں بیٹی کی نمازِ جنازہ آج جمعہ کے روز صبح 11 بجے گاؤں اللہ یار جوتہ میں ادا کی جائے گی، جس میں رشتہ داروں، علاقہ مکینوں اور مختلف مکاتبِ فکر کے افراد کی بڑی تعداد کی شرکت متوقع ہے۔
واقعے پر ملک بھر میں غم و غصہ
یاد رہے کہ سعدیہ اور اس کی کمسن بیٹی ردا فاطمہ لاہور میں داتا دربار کے قریب کھلے مین ہول میں گر کر جاں بحق ہو گئی تھیں، جس کے بعد واقعے پر ملک بھر میں شدید غم و غصہ اور افسوس کا اظہار کیا جا رہا ہے۔
مزید پڑھیں
بھاٹی گیٹ واقعہ: وزیراطلاعات پنجاب نے متاثرہ خاندان سے معافی مانگ لی
