ستتالیس ارب روپے کا تاریخی رمضان نگہبان پیکج
وزیراعلیٰ پنجاب مریم نواز شریف نے رمضان المبارک کے لیے 47 ارب روپے کے رمضان نگہبان پیکج کی منظوری دے دی ہے، جس کا مقصد نادار اور مستحق خاندانوں کو ریلیف فراہم کرنا ہے۔
اعلیٰ سطح اجلاس میں اہم فیصلے
وزیراعلیٰ پنجاب کی زیر صدارت رمضان سے متعلق خصوصی اجلاس منعقد ہوا، جس میں سی ایم راشن کارڈ، نگہبان دسترخوان اور سہولت بازار جیسے منصوبوں کی منظوری بھی دی گئی۔
راشن کارڈ ہولڈرز کیلئے امداد میں بڑا اضافہ
اجلاس میں فیصلہ کیا گیا کہ پنجاب بھر میں راشن کارڈ ہولڈرز کو رمضان میں 3 ہزار کے بجائے 10 ہزار روپے فراہم کیے جائیں گے تاکہ مہنگائی کے اثرات کم کیے جا سکیں۔
بیالیس لاکھ خاندانوں کو نقد امداد دی جائے گی
رمضان نگہبان پیکج کے تحت پنجاب کے 42 لاکھ مستحق خاندانوں کو 10، 10 ہزار روپے دیے جائیں گے، جس سے لاکھوں افراد کو براہِ راست فائدہ پہنچے گا۔
وزیراعلیٰ مریم نواز کا مؤقف
اس موقع پر وزیراعلیٰ مریم نواز نے کہا کہ کوئی بھی مستحق خاندان رمضان المبارک میں خود کو تنہا محسوس نہ کرے، حکومت غریب عوام کے دکھ سکھ میں ان کے ساتھ کھڑی ہے۔
مزید پڑھیں
انڈر 19 ورلڈ کپ: سیمی فائنل کی راہ میں آج پاکستان کا کڑا امتحان
