یومِ حقِ خود ارادیت کی اہمیت
پاکستان سمیت دنیا بھر میں مقیم کشمیری آج یومِ حقِ خود ارادیت منا رہے ہیں۔ اس دن کو منانے کا مقصد عالمی برادری کو یاد دلانا ہے۔ کہ کشمیری عوام کو اقوام متحدہ کی قراردادوں کے مطابق اپنے مستقبل کا خود فیصلہ کرنے کا حق حاصل ہے۔ جو تاحال انہیں نہیں دیا گیا۔
مظفرآباد میں مشعل بردار ریلی
شدید سرد موسم کے باوجود آزاد کشمیر کے دارالحکومت مظفرآباد میں آزادی چوک پر رات گئے۔ مشعل بردار ریلی نکالی گئی۔ ریلی کے شرکا نے بھارتی مظالم کے خلاف شدید احتجاج کیا اور کشمیری عوام کے ساتھ اظہارِ یکجہتی کیا۔
اقوام متحدہ کی تاریخی قرارداد
پانچ جنوری انیس سو انچاس کو اقوام متحدہ کی سلامتی کونسل نے ایک تاریخی قرارداد منظور کی تھی۔ جس کے تحت کشمیری عوام کو اپنے مستقبل کا فیصلہ خود کرنے کا حق دیا گیا۔ تاہم بھارت نے مقبوضہ کشمیر پر غیر قانونی قبضہ برقرار رکھتے ہوئے کشمیریوں کو بنیادی انسانی حقوق سے محروم کر رکھا ہے۔
وزیراعظم شہباز شریف کا پیغام
وزیراعظم شہباز شریف نے یومِ حقِ خود ارادیت کے موقع پر اپنے پیغام میں کہا۔ کہ پانچ جنوری کو اقوام متحدہ کی سلامتی کونسل کی قراردادوں میں کشمیری عوام کے حقِ خود ارادیت کو تسلیم کیا گیا تھا۔ انہوں نے کہا۔ کہ اقوام متحدہ کمیشن برائے بھارت و پاکستان نے اسی دن ریاست جموں و کشمیر کے مستقبل کے فیصلے کے لیے آزاد اور غیر جانبدارانہ رائے شماری کی منظوری دی تھی۔
بھارتی مظالم اور کشمیری عوام کا عزم
وزیراعظم نے کہا۔ کہ مقبوضہ کشمیر کے عوام گزشتہ آٹھ دہائیوں سے بھارتی قابض افواج کے مظالم برداشت کر رہے ہیں۔ لیکن جبر و تشدد کشمیریوں کے حوصلے اور جدوجہد کو کمزور نہیں کر سکا۔
عالمی برادری سے مطالبہ
وزیراعظم شہباز شریف نے عالمی برادری سے مطالبہ کیا۔ کہ وہ بھارت کے جابرانہ اقدامات کا نوٹس لے اور کشمیری عوام کو اقوام متحدہ کی قراردادوں کے مطابق حقِ خود ارادیت دلانے کے لیے عملی اقدامات کرے۔
نتیجہ
یومِ حقِ خود ارادیت کشمیری عوام کی جدوجہد، قربانیوں اور حق پر مبنی موقف کی علامت ہے۔ یہ دن عالمی ضمیر کو جھنجھوڑنے اور مسئلہ کشمیر کے منصفانہ حل کی یاد دہانی کرانے کا موقع فراہم کرتا ہے۔
مزید پڑھیں
آئی ایم ایف پروگرام کی خامیوں پر غور، وزیراعظم نے اعلیٰ سطحی کمیٹی قائم کر دی
