صدی کا سب سے بڑا فلکیاتی واقعہ
ماہرین فلکیات کے مطابق زمین پر 21ویں صدی کا سب سے طویل مکمل اندھیرا 2 اگست 2027 کو ہوگا۔ اس روز مکمل سورج گرہن لگے گا۔ جس کے دوران دن کے وقت سورج مکمل طور پر چاند کے پیچھے چھپ جائے گا اور چند منٹ کے لیے زمین پر مکمل اندھیرا چھا جائے گا۔
مکمل اندھیرا کتنی دیر تک رہے گا؟
رپورٹس کے مطابق اس روز مکمل اندھیرا 6 منٹ 23 سیکنڈ تک برقرار رہے گا۔ جو 21ویں صدی کا سب سے طویل مکمل سورج گرہن ہوگا۔ اس دوران سورج کا صرف کرونا یعنی روشن ہالہ نظر آئے گا۔ جبکہ ماحول گہری شام جیسا محسوس ہوگا۔
یہ اندھیرا لمبا کیوں ہوگا؟
سائنس دانوں کا کہنا ہے۔ کہاس وقت چاند زمین کے نسبتاً قریب ہوگا۔ اسی لیے بڑا دکھائی دے گا۔ زمین سورج سے کچھ دور ہوگی۔ جس کے باعث سورج نسبتاً چھوٹا دکھائی دے گا۔ ان عوامل کی وجہ سے سورج مکمل اور زیادہ دیر کے لیے ڈھک جائے گا۔
ماحول پر کیا اثرات ہوں گے؟
اس مکمل گرہن کے دوران دن کے وقت اندھیرا چھا جائے گا۔ درجہ حرارت میں کمی واقع ہوگی فضا شام جیسا منظر پیش کرے گی۔ سورج کا خوبصورت روشن ہالہ نظر آئے گا۔ یہ لمحے نہایت دلکش اور سائنسی طور پر انتہائی اہم ہوں گے۔
کہاں کہاں دیکھا جا سکے گا؟
یہ غیر معمولی سورج گرہن دنیا کے درج ذیل خطوں میں دیکھا جا سکے گا یورپ شمالی افریقہ مشرقِ وسطیٰ جبکہ خصوصی طور پر جن ممالک میں اسے واضح طور پر دیکھا جائے گا ان میں اسپین، مراکش، الجیریا، مصر، سعودی عرب، یمن اور صومالیہ شامل ہیں۔
مستقبل میں ایک اور طویل گرہن
سائنس دانوں کے مطابق 2186 میں بھی ایک انتہائی طویل مکمل سورج گرہن متوقع ہے۔ جو تاریخ کے طویل ترین گرہنوں میں شمار ہوگا۔
نتیجہ
2 اگست 2027 کا سورج گرہن نہ صرف ایک سائنسی معجزہ ہوگا۔ بلکہ فلکیات کے شوقین افراد کے لیے یادگار موقع بھی ثابت ہوگا۔ یہ واقعہ انسانی تاریخ کے اہم ترین فلکیاتی لمحات میں شمار کیا جائے گا۔
مزید پڑھیں
ٹیکنالوجی میں انقلاب:ٹی وی پر دکھایا جانے والا کھانا اب چکھا بھی جا سکے گا؟
