اوول آفس میں ٹرمپ کا مؤقف
صدر ٹرمپ نے اوول آفس میں صحافیوں سے گفتگو کے دوران کہا۔ کہ “اب بہت ہو چکا ہے، اسرائیل کو مغربی کنارے کو ضم کرنے کی اجازت نہیں دوں گا۔ یہ سلسلہ اب رکنا چاہیے۔” انہوں نے بتایا کہ اس معاملے پر اسرائیلی وزیراعظم نیتن یاہو سے بھی بات ہو چکی ہے۔
عرب رہنماؤں سے یقین دہانی
امریکی میڈیا کے مطابق، صدر ٹرمپ نے اقوام متحدہ کی جنرل اسمبلی کے موقع پر عرب رہنماؤں کو بھی یقین دہانی کرائی کہ وہ اسرائیل میں مغربی کنارے کے انضمام کے منصوبے کی مخالفت کرتے ہیں۔
حالیہ اسرائیلی حکام کے بیانات
رپورٹس کے مطابق حال ہی میں اسرائیلی حکام نے کہا تھا۔ کہ ان کی حکومت مغربی کنارے کے کچھ حصوں پر کنٹرول حاصل کرنے کے لیے اقدامات کر سکتی ہے۔ تاہم ٹرمپ نے دوٹوک مؤقف اختیار کرتے ہوئے کہا کہ کسی بھی صورت انضمام کی اجازت نہیں دی جائے گی۔
غزہ میں جنگ کے خاتمے کی کوششیں
گذشتہ روز امریکی خصوصی ایلچی برائے مشرق وسطیٰ، اسٹیو وٹکوف نے بھی کہا۔ کہ صدر ٹرمپ کی مسلم رہنماؤں سے ملاقات مثبت رہی اور توقع ہے۔ کہ غزہ میں جاری جنگ کے خاتمے کی کوششوں میں جلد پیش رفت ہو سکتی ہے۔
مزید پڑھیں
اتوار کو ایشیا کپ کا فائنل، پاکستان اور بھارت کی ٹکر
