تیز ہواؤں اور بارش کا سلسلہ
سندھ، پنجاب اور خیبرپختونخوا کے مختلف شہروں میں تیز ہواؤں، طوفان اور بارش کے باعث موسم میں نمایاں تبدیلی دیکھنے میں آئی ہے، جس سے شدید گرمی کا زور ٹوٹ گیا ہے۔
مختلف علاقوں میں حادثات
خیبرپختونخوا میں تیز ہواؤں اور طوفانی صورتحال کے باعث مختلف حادثات میں بیس سے زائد افراد زخمی ہو گئے ہیں۔ متعدد مقامات پر درخت گرنے اور کمزور ڈھانچوں کو نقصان پہنچنے کی اطلاعات بھی سامنے آئی ہیں۔
سندھ اور پنجاب میں بارش اور طوفان
تھرپارکر میں بارش جبکہ سکھر میں ژالہ باری ریکارڈ کی گئی۔ اسی طرح لاڑکانہ، حیدرآباد، مٹیاری، ہالہ، نیو سعیدآباد، شکارپور اور کندھ کوٹ سمیت مختلف علاقوں میں گرد آلود طوفان نے معمولات زندگی متاثر کیے۔
بجلی کا نظام متاثر
پنجاب کے متعدد شہروں جن میں اسلام آباد، لاہور، جہلم، سرگودھا، گجرات، رحیم یار خان اور چنیوٹ شامل ہیں، بارش کے بعد مختلف مقامات پر بجلی کی فراہمی متاثر ہوئی ہے۔ لوئر کرم میں تیز ہواؤں کے باعث بجلی کی مرکزی لائن کا ٹاور گرنے سے متعدد علاقوں کی بجلی بند ہو گئی۔
مزید پڑھیں
کراچی میں کئی ماہ سے جاری پانی کا شدید بحران ختم نہ ہوسکا، شہری رُل گئے
