کوئٹہ دھماکا
وفاقی اور بلوچستان حکومت نے ایک بار پھر اس عزم کا اظہار کیا ہے کہ دہشت گردی میں ملوث عناصر کو انجام تک پہنچایا جائے گا اور ملک میں امن و امان کو یقینی بنایا جائے گا۔
اعلیٰ سطحی اجلاس اور مذمت
وزیر داخلہ محسن نقوی اور وزیر اعلیٰ بلوچستان میر سرفراز بگٹی کی زیر صدارت ایک اہم اجلاس ہوا جس میں کوئٹہ میں ہونے والے حملے کی شدید مذمت کی گئی۔ اجلاس میں شہداء کے اہل خانہ سے ہمدردی اور تعزیت کا اظہار بھی کیا گیا۔
ابتدائی رپورٹ پیش
آئی جی بلوچستان پولیس نے اجلاس میں ریلوے پھاٹک کے قریب ہونے والے دھماکے کی ابتدائی رپورٹ پیش کی اور واقعے سے متعلق ابتدائی شواہد اور معلومات سے آگاہ کیا۔
حکومتی عزم
وزیر داخلہ نے کہا کہ وفاقی حکومت اس مشکل وقت میں بلوچستان حکومت کے ساتھ کھڑی ہے اور شہداء کی قربانیاں رائیگاں نہیں جانے دی جائیں گی۔ وزیر اعلیٰ بلوچستان نے بھی کہا کہ متاثرہ خاندانوں کو تنہا نہیں چھوڑا جائے گا اور دہشت گردوں کے خلاف کارروائی مزید تیز کی جائے گی۔
واقعے کی تفصیل
گزشتہ روز کوئٹہ میں چمن پھاٹک کے قریب ریلوے ٹریک پر دھماکہ ہوا تھا جس کے نتیجے میں متعدد افراد جاں بحق اور زخمی ہوئے۔ واقعے کے بعد سیکیورٹی اداروں نے علاقے کو گھیرے میں لے کر تحقیقات شروع کر دی ہیں۔
مزید پڑھیں
مناسک حج کا آغاز، لاکھوں عازمین خیموں کے شہر منیٰ پہنچنا شروع
