ملازمین کے لیے نئے اوقات کار کا اعلان
وزیراعظم شہباز شریف نے موجودہ عالمی صورتحال اور توانائی کے ممکنہ بحران کے پیش نظر اہم اقدامات کا اعلان کیا ہے۔ ان کے مطابق سرکاری اور نجی دفاتر میں آئندہ کچھ عرصے کے لیے کام کے طریقہ کار میں تبدیلی کی جا رہی ہے۔ تاکہ ایندھن اور توانائی کی بچت ممکن بنائی جا سکے۔
نصف ملازمین گھروں سے کام کریں گے
وزیراعظم کے مطابق انتہائی ضروری خدمات کے علاوہ باقی اداروں میں پچاس فیصد ملازمین گھروں سے فرائض انجام دیں گے۔ اس اقدام کا مقصد ایندھن کے استعمال میں کمی اور قومی وسائل کی بچت کو یقینی بنانا ہے۔
دفاتر ہفتے میں چار دن کھلیں گے
حکومت کے فیصلے کے مطابق بیشتر دفاتر اب ہفتے میں چار دن کھلے رہیں گے۔ جبکہ ایک اضافی چھٹی دی جائے گی۔ اس اقدام سے توانائی کے استعمال میں کمی لانے اور معاشی دباؤ کو کم کرنے کی کوشش کی جا رہی ہے۔
تعلیمی اداروں کے لیے بھی اہم فیصلہ
حکومت نے فوری طور پر اسکولوں کو دو ہفتوں کے لیے بند کرنے کا اعلان کیا ہے۔ اسی طرح اعلیٰ تعلیمی اداروں میں طلبہ کی تعلیم جاری رکھنے کے لیے آن لائن تدریس شروع کی جائے گی۔ تاکہ تعلیمی سرگرمیاں متاثر نہ ہوں۔
توانائی کی بچت کے مزید اقدامات
وزیراعظم نے کہا۔ کہ موجودہ حالات میں قومی وسائل کے مؤثر استعمال کی ضرورت ہے۔ اسی لیے سرکاری اخراجات میں کمی، گاڑیوں کے استعمال میں کمی اور دیگر بچت کے اقدامات بھی نافذ کیے جا رہے ہیں۔
مزید پڑھیں
جنگی صورتحال: وزرا و افسران کی تنخواہوں اور غیر ترقیاتی بجٹ میں کٹوتی کفایت شعاری پالیسی منظور
